İdman

"Bavariya"nın Xabi Alonso ilə ilk danışıqlarının təfərrüatları

5 Mart 2024 22:30
Baxış: 798
VTB-də minimal faiz dərəcəsi ilə nağd kredit 10.49%-dən

"Bavariya" və "Bayer"in baş məşqçisi Xabi Alonso arasında ilk danışıqlar başa çatıb. 

Milli.Az lent.az-a istinadən bildirir ki, bu barədə "Sky Sport Germany" nəşri məlumat yayıb.

Mənbənin sözlərinə görə, bu danışıqlar göstərib ki, ispaniyalı mütəxəssis "Liverpul"dan çox "Bavariya"ya rəhbərlik etməyə meyllidir. Alonsonun fikrincə, Yurgen Klopp gedəndən dərhal sonra ingilis klubuna qoşulmaqla o, qazanmaqdan çox itirmək riski ilə üzləşir.

"Bavariya"nın "Bayer"ə 15 milyon avrodan 25 milyon avroya qədər təzminat ödəməli olacağı vurğulanır.Təzminatın yekun məbləği Alonsonun "əczaçılar"la qazana biləcəyi titulların sayından asılı olacaq.

Alonso 2022-ci ilin payızından "Bayer" ə rəhbərlik edir. Bundesliqa mövsümünün 24 turundan sonra "Bayer" 64 xal toplayıb və ən yaxın rəqibi "Bavariya"nı 10 xal qabaqlayaraq birinci yerdədir.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.