İdman

Azərbaycanın futbol məşqçisi dörd ölkədən təklif aldı

27 Yanvar 2024 12:56

Baxış: 841

VTB-də minimal faiz dərəcəsi ilə nağd kredit 10.49%-dən

#İDMAN #AZƏRBAYCAN FUTBOLU #FUTBOL #TRANSFER

Azərbaycanın futbol məşqçisi Etibar İbrahimov dörd ölkədən təklif alıb.

Milli.Az bildirir ki, bu barədə "Report"a açıqlamasında mütəxəssis özü məlumat verib.

O bildirib ki, üç ölkənin yüksək liqa, bir ölkənin isə akademiyası ilə danışıq aparır:

"İlkin görüşlər olub, hazırda rəsmi təklif gözləyirəm. Konkret üç ölkənin yüksək liqa klubu məni baş məşqçi postunda görmək istəyir. Rəsmi heç nə olmadığı üçün adlarını çəkməyim düzgün deyil. Onu deyə bilərəm ki, Avropa ölkələri deyil. Almaniyanın "Ayntraxt" klubunda yenidən fəaliyyət göstərmək variantı da yaranıb. Frankfurt təmsilçisi futbolçusu Makoto Hasebe ilə birlikdə Yaponiyada akademiya açıb. Açığı, həm aşağı yaş qrupu, həm də uzaq olduğundan, "Ayntraxt" variantına o qədər də müsbət yanaşmıram".

Məşqçi ölkə xaricindən təkliflər almasına baxmayaraq, Azərbaycanda qalmaq arzusunda olduğunu da gizlətməyib:

"Ailəmə görə Azərbaycanda qalmaq istəyirəm. Çünki övladlarım balacadırlar. Ötən ilin dekabrına qədər bir təklif olmuşdu. Sadəcə, şərtlər məni qane etmədi. Hazırda isə buradan təklif yoxdur. Azərbaycanda variant çıxmasa, yəqin ki, ölkə xaricindən aldığım təkliflərdən birini qəbul edəcəyəm".

Qeyd edək ki, 2022-ci ilin aprelində "Ayntraxt"ın Çindəki akademiyası ilə anlaşan Etibar İbrahimov cari mövsümün əvvəlində "Kəpəz"ə köməkçi-məşqçi təyin olunub. Lakin baş məşqçi Azər Məmmədovun istefasından sonra o da Gəncə klubundan ayrılıb.

Milli.Az

Xəbərlərimizi WhatsApp kanalımızdan da oxuyun