İdman

Abdullayevdən "Qarabağ"ın tarixi uğuruna reaksiya

15 Dekabr 2023 08:18
Baxış: 971
VTB-də minimal faiz dərəcəsi ilə nağd kredit 10.49%-dən

Ardıcıl 10 ildir ölkəmizi avrokuboklarda uğurla təmsil edən "Qarabağ" daha bir tarixi uğura imza atmaqla hamımızı sevindirdi. Təmsilçimiz Avropanın adlı-sanlı, köklü klublarını qabaqlamaqla ölkəmizi beynəlxalq arenada layiqincə təmsil edir.

Milli.Az Axar.az-a istinadən xəbər verir ki, bunu Azərbaycan Futbol Federasiyaları Assosiasiyasının prezidenti Rövnəq Abdullayev "Qarabağ"ın daha bir tarixi uğura imza atması barədə danışarkən deyib.

"İnanıram ki, "Qarabağ"ın Avropanın ikinci nüfuzlu klub turnirinin pley-off mərhələsinə vəsiqə qazanması ölkə futbolunun gələcək inkişafına öz töhfəsini verəcək.

"Qarabağ"ı Avropa Liqasının pley-off mərhələsinə vəsiqə qazanması münasibətilə futbolçularını, məşqçi və texniki heyətini, rəhbərliyini, azarkeşlərini, bu uğurda əməyi olan hər kəsi futbol ictimaiyyəti adından təbrik edirəm. UEFA Avropa Liqasının pley-off mərhələsində uğurlar arzulayıram", - AFFA rəhbəri vurğulayıb.

Qeyd edək ki, ötən gün "Qarabağ" "Hakken"i 2-1 məğlub etməklə Avropa Liqasının pley-off mərhələsinə vəsiqəni təmin edib.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.