İdman

Konfrans Liqası: “Neftçi” qələbə qazanıb növbəti mərhələyə yüksəldi - VİDEO - YENİLƏNDİ

3 Avqust 2023 23:38

Baxış: 1 124

VTB-də minimal faiz dərəcəsi ilə nağd kredit 10.49%-dən

#FUTBOL

"Neftçi" UEFA Konfrans Liqasında III təsnifat mərhələsinə yüksəlib.

Milli.Az xəbər verir ki, Bakı klubu II raundun cavab oyununda doğma arenada Bosniya və Herseqovinanın "Jelezniçar" komandasını 2:0 hesabı ilə məğlub etməklə buna nail olub.

İlk qarşılaşmada rəqibi ilə 2:2 hesablı bərabərə qalan Adrian Mutunun baş məşqçi olduğu kollektiv iki görüşün nəticəsinə əsasən adını növbəti mərhələyə yazdırıb.

8-ci km stadionunda gerçəkləşən cavab oyununda hesab 20-ci dəqiqədə açılıb. Kenni Sayef qapıçı ilə təkbətək epizodda fərqlənərək, "Neftçi"ni önə keçirib. 68-ci dəqiqədə Eddi İsrafilov başla fərqi 2 topa çatdırıb və qarşılaşmada son nöqtəni qoyub.

Qeyd edək ki, "Neftçi" III təsnifat mərhələsində "Beşiktaş" (Türkiyə) - "Tirana" (Albaniya) cütünün qalibi ilə qarşılaşacaq. Bu raundun oyunları 10-17 avqustda keçiriləcək.

Milli.Az