İdman

Konfrans Liqası: "Gent" darmadağınla 1/4 finala yüksəlib - VİDEO

15 Mart 2023 23:50

Baxış: 1 781

#VİDEO #FUTBOL #KONFRANS LİQASI

UEFA Konfrans Liqasında 1/8 final mərhələsinin cavab matçlarına start verilib.

Milli.Az "report"a istinadən bildirir ki, ilk oyun günündə bir qarşılaşma baş tutub.

"Başakşehir" Türkiyədə Belçika "Gent"ini qəbul edib. İstanbul təmsilçisi səfərdəki ilk görüşdə 1:1 hesablı heç-heçəyə nail olsa da, evdə məğlubiyyətdən qaça bilməyib - 1:4. Qonaqların heyətində Gift Emmanuel Orban 4 dəqiqəyə het-trik edib. Nigeriyalı hücumçu 31, 32 və 34-cü dəqiqələrdə fərqlənib. "Gent"in digər qoluna 37-ci dəqiqədə Uqo Kuypers imza atıb. Meydan sahiblərinin yeganə qolunu isə 88-ci dəqiqədə Adnan Yanuzay vurub.

Gent şəhərinin eyniadlı təmsilçisi pley-offda "Qarabağ"ı mübarizədən kənarlaşdırıb.

UEFA Konfrans Liqası
1/8 final, cavab oyunları
15 mart

21:00. "Başakşehir" (Türkiyə) - "Gent" (Belçika) - 1:4
Qollar: Adnan Yanuzay, 88 - Gift Emmanuel Orban, 31; 32; 34. Uqo Küypers, 37
Baş hakim: Benua Bastyen (Fransa)
İlk oyun - 1:1
İstanbul, "Başakşehir Fatih Terim" stadionu.

Qeyd edək ki, bu raundun digər cavab oyunları martın 16-da keçiriləcək.

Milli.Az