İdman

"Məşhur gimnastların çıxışları bizləri yeni nailiyyətlərə ruhlandırır"

14 Mart 2023 20:04
Baxış: 413

Hər bir yarışla əminlik və təcrübə artır.

Bu barədə Trend-ə qadın i̇dman gi̇mnasti̇kası üzrə 7-ci̇ Azərbaycan bi̇ri̇nci̇li̇yi̇ və Bakı çempi̇onatının iştirakçısı, "Ocaq Sport" klubunun yetirməsi Nuryana Əliyeva deyib.

"Birincliyə hazırlıq məhsuldar keçib. Artıq özümü daha əmin hiss edirəm, əvvəlki yarışlarda güclü həyəcan keçirirdim. Hər bir turnirlə əminlik və təcrübə artır, mən öz emosiyalarımı cilovlamağı öyrənmişəm. Bugünkü çıxışdan sonra məşqçi məni təriflədi, sabah daha iki alətlə proqramda çıxış etməliyəm və bu cür yaxşı çıxış edə bilsəm, mükafat qazanacağıma ümid edə bilərəm", - o deyib.

11 yaşlı idmançı 9-12 mart tarixlərində Bakı şəhərində Milli Gimnastika Arenasında keçirilən idman gimnastikası üzrə FIG Dünya Kuboku yarışlarını izlədiyini əlavə edib. Onun sözlərinə görə, məşhur gimnastların çıxışları onu yeni idman nailiyyətlərinə ruhlandırıb.

Qeyd edək ki, 14-16 mart tarixləri arasında Bakı şəhərində yerləşən Milli Gimnastika Arenasında ki̇şi̇ i̇dman gi̇mnasti̇kası və akrobati̇ka gi̇mnasti̇kası üzrə 28-ci̇, qadın i̇dman gi̇mnasti̇kası üzrə 7-ci̇ Azərbaycan bi̇ri̇nci̇li̇yi̇ və Bakı çempi̇onatı keçirilir.

Yarışlarda "Ocaq Sport" Klubu, "Neftçi" İdman klubu, Bakı Gimnastika Məktəbi, "Qarabağ" İdman Klubu (Bərdə), 13 nörməli İxtisaslaşdırılmış Olimpiya Ehtiyatları Uşaq-Gənclər İdman Məktəbinin yetirmələri iştirak edirlər.

Kişi idman gimnastikasının nümayəndələri yarışlarda kiçiklər, balacalar, uşaqlar, yeniyetmələr, gənclər və böyüklər yaş kateqoriyasında yarışlarda çıxış edəcəklər.

Qadın idman gimnastikasının nümayəndələri uşaqlar, yeniyetmələr və gənclər yaş kateqoriyasında medallar uğrunda mübarizə aparacaqlar.

Yarışlarda akrobatika gimnastikası üzrə idmançılar balacalar, uşaqlar, yeniyetmələr, gənclər və böyüklər yaş kateqoriyasında qadın və kişi cütlükləri, qarışıq cütlüklər, qadın və kişi qrupları proqramında çıxış edəcəklər.

Milli.Az

VTB-də minimal faiz dərəcəsi ilə nağd kredit 10.99%-dən
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics