İdman

"Qarabağ"ın almaq istədiyi 10 milyonluq futbolçu - VİDEO

7 Yanvar 2023 18:24
Baxış: 1 799
VTB-də minimal faiz dərəcəsi ilə nağd kredit 10.49%-dən

"Qarabağ"ın heyətinə qatdığı yeni oyunçunun adı bəllidir. Ağdamlılar yayda anlaşa bilmədiyi Adama Diakabinin transferini indi rəsmiləşdirir.

Milli.Az gundem.az-a istinadən xəbər verir ki, Türkiyədə hazırlıq keçən "Qarabağ"ın düşərgəsində olan futbolçu məşqlərə qatılır. Tezliklə onunla rəsmi müqavilə bağlanacaq. Müqavilənin dəyəri, müddəti və s. detallar hələ dəqiqləşməyib.

Fransa gənclər millisində 4 oyuna çıxmış solaxaq vinger Seneqal əsillidir. Ayaççoda doğulmuş 26 yaşlı Adama "Qarabağ"a azad agent kimi gəlib.

"Kan" yetirməsi peşəkar futbola "Renn"də başlayıb. Bu klub 2017-ci ildə onu "Monako"ya 10 milyon avroya satıb. O zaman Diakabiyə PSJ-yə keçən Kilian Mbappenin əvəzedicisi gözüylə baxılırdı. Maraqlıdı ki, bir il sonra "Knyazlıq klubu" da onu 10 milyon avro qarşılığında "Haddersfild"ə buraxmağa razı oldu. İngiltərə klubu 2020-ci ildə onu "Nottingem Forest"ə, iki il sonra "Amyen"ə icarəyə vermişdi.

2022-ci ilin iyulundan klubsuz olan Adama həmin vaxt "Qarabağ"a gəlməkdən imtina etmişdi. İndi isə fransalının razılığını almaq mümkün olub.

Bu, "Qarabağ"ın Fransa 2-ci liqasından aldığı ilk oyunçu deyil. Abdullah Zubir də ölkəmizə "Lans"dan gəlmişdi. 

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.