İdman

Dünyanın ən bahalı futbolçusunun adı açıqlanıb

5 Yanvar 2023 23:41

Baxış: 1 876

VTB-də minimal faiz dərəcəsi ilə nağd kredit 10.49%-dən

#FUTBOL

Beynəlxalq İdman Araşdırmalar Mərkəzi (CIES) dünyanın ən bahalı futbolçularının siyahısını açıqlayıb.

Araşdırma 75 liqadan ümumilikdə 30 000 oyunçu arasında aparılıb.

Yekun nəticəyə əsasən, İngiltərə millisinin və Almaniyanın "Borussiya" (Dortmund) komandasının hücumameyilli yarımmüdafiəçisi Cud Bellingem ən bahalı futbolçu olub. Onun transfer qiyməti 208,2 milyon avro olaraq qiymətləndirilir.

İlk "üçlük"də həmçinin İngiltərənin "Mançester Siti" klubunun vingeri Fil Foden (200,5 milyon avro) və Fransa PSJ-sinin hücumçusu Kilian Mbappe (190,7 milyon avro) yer alıb.

Reytinqdə "ilk 10-luq" aşağıdakı kimidir:

1. Cud Bellingem (İngiltərə, "Borussiya" Dortmund) - 208,2 milyon avro
2. Fil Foden (İngiltərə, "Mançester Siti") - 200,5 milyon avro
3. Kilian Mbappe (Fransa, PSJ) - 191,7 milyon avro
4. Vinisius Junior - (Braziliya, "Real Madrid") - 190,5 milyon avro
5. Erlinq Holan - (Norveç, "Mançester Siti") - 174,9 milyon avro
6. Pedri (İspaniya, "Barselona") - 170,2 milyon avro
7. Qavi (İspaniya, "Barselona") - 147,6 milyon avro
8. Camal Musiala (Almaniya, "Bavariya") - 145,1 milyon avro
9. Yoşko Qvardiol (Xorvatiya, "Leypziq") - 125,8 milyon avro
10. Federiko Valverde (Uruqvay, "Real Madrid") - 123,5 milyon avro

Qeyd edək ki, PSJ-nin hücumçusu Lionel Messi və "Əl-Nəsr"in forvardı Kriştianu Ronaldu ilk "100-lük"dən kənarda qalıb.

Milli.Az