İdman

DÇ-2022: Jiru Anrinin rekordunu təkrarlayıb, Mbappe tarixə düşüb

23 Noyabr 2022 08:09

Baxış: 1 152

VTB-də minimal faiz dərəcəsi ilə nağd kredit 9.9%-dən

#FUTBOL #FRANSA #DÇ-2022

Fransa millisinin və "Milan"ın futbolçusu Olivye Jiru yığmanın sabiq hücumçusu Tyeri Anrinin rekordunu təkrarlayıb.

Milli.Az "report"a istinadən bildirir ki, Qətərdəki dünya çempionatında Avstraliyaya qarşı keçirdikləri D qrupunun ilk tur oyununda dubl edən 36 yaşlı forvard 52 qolla bombardirlər siyahısında liderliyə yüksəlib. O, hazırda Anri ilə birlikdə ilk sıranı bölüşdürür.

Təcrübəli forvard 32-ci və 71-ci dəqiqələrdə rəqib qapısına yol tapıb.

Avstraliya ilə oyunda fərqlənən Kilian Mbappe isə mundiallarda 5 qol vuran ən gənc fransalı futbolçu kimi tarixə düşüb. Bu göstərici üzrə 2-ci pillədə Jüst Fonten qərarlaşıb. O, 1958-ci ildəki dünya çempionatında 5 qol vurarkən 24 yaşında olub.

Milli.Az