İdman

Möhtəşəm final yaxınlaşır - FOTOlar

1 Noyabr 2022 15:00

Baxış: 2 218

VTB-də minimal faiz dərəcəsi ilə nağd kredit 10.49%-dən

#İDMAN

Gənclər və İdman Nazirliyi, Bakı Abadlıq Xidmətinin təşkilatçılığı, Azərbaycan Futbol Federasiyaları Assosiasiyasının dəstəyi ilə keçirilən Bakı kənd və qəsəbələri arasında futbol turnirində 1\8 final mərhələsi başa çatıb.

32 kənd və qəsəbənin uşaq futbol komandası arasında təşkil olunan turnir böyük marağa səbəb olub. 1\8 final mərhələsinin oyunlarında da balaca futbolçular bir-birindən maraqlı qollarla yadda qalıb. Bu mərhələdə qələbə qazanan "Ramana", "Sabunçu", "Mehdiabad", "Məmmədli", "Yeni Suraxanı", "Əhmədli", "Mərdəkan" və "Binə" komandaları mübarizəni 1\4 finalda davam etdirəcək.

Qeyd edək ki, turnirin keçirilməsində əsas məqsəd uşaq futbolunun inkişafı və təbliği, eyni zamanda idmanın kütləviliyinə nail olmaqdır. Yarışlara 2010-2011-ci il təvəllüdlü, ümumilikdə 350-dən çox uşaq cəlb olunub. İlk mərhələdə 8 qrupda start götürən turnirə noyabrın 13-də final qarşılaşması ilə yekun vurulacaq.

Milli.Az