İdman

“Qarabağ”dan “qızıl dubl”

27 May 2022 21:56
0 Şərh     Baxış: 882

Bu gün Azərbaycan kubokunun final oyunu keçirilib.

Milli.Az matc.az-a istinadən bildirir ki, həlledici matçda "Qarabağ"la "Zirə" üz-üzə gəlib.

Qəbələdə keçirilən oyunda kağız üzərində "köhlən atlar" favorit görünürdü. Amma zirəlilərin də şansları demək olar ki, bərabər idi.

"Qarabağ" Premyer Liqada çempion olmaqla Çempionlar Liqasına vəsiqəni təmin etmşdi. "Zirə" isə 3-cü yerin sahibi kimi Avropa Konfrans Liqasına "bilet" qazanmışdı. Kubokda uğur qazanmaqla "Qarabağ" qızıl dubl edə, "Zirə" isə tarixində ilk dəfə olaraq kubok qazana bilərdi. Paytaxt təmsilçisi Qəbələdəki final görüşündə qələbə qazansa, bu, həm də onun çalışdırıcısı Rəşad Sadıqovun baş məşqçi kimi ilk ciddi uğuru olacaqdı.

Qarşılaşmanın əsas vaxtında qalib müəyyənləşməyib. Əlavə vaxtda da hesab dəyişmədiyindən qalibi müəyyənləşdirmək üçün penalti seriyasına ehtiyac duyulub. 11 metrlik zərbələri daha dəqiq yerinə yetirən "Qarabağ" kubokun qalibi və "qızıl dubl" müəllifi olub.

Azərbaycan kuboku
Final
27 may

Qarabağ - Zirə 1:1 (penaltilər 4:3)
Qol: A.Zubir, 69 - H.Keyta, 17.
Hakimlər: Elçin Məsiyev, Elşad Abdullayev, Pərvin Talıbov, Kamal Umudlu.
Ehtiyat köməkçi hakim: Kamran Bayramov.
Qəbələ şəhər stadionu, 19:00.

Qarabağ: 1. Şahruddin Məhəmmədəliyev, 5. Maksim Medvedev (k), 2. Qara Qarayev, 19. Filip Ozobiç, 10. Abdullah Zubir, 81. Kevin Medina, 6. Patrik Andrade, 29. Marko Veşoviç, 20. Kadi Borges, 25. İbrahima Vadji, 44. Elvin Cəfərquliyev.
Ehtiyat oyunçular: 23. Luka Quqeşaşvili, 55. Bədavi Hüseynov, 30. Abbas Hüseynov, 18. İsmayıl İbrahimli, 77. Ramil Şeydayev, 7. Riçaerd Almeyda, 13. Bəhlul Mustafazadə, 11. Xayme Romero, 15. Leandro Andrade, 97. Rüstəm Əhmədzadə, 27. Toral Bayramov, 22. Musa Qurbanlı.
Baş məşqçi: Qurban Qurbanov.

Zirə: 41. Anar Nəzirov, 8. İlkin Muradov, 21. Hacıağa Hacılı, 32. Qismət Alıyev (k), 19. Təmkin Xəlilzadə, 91. Coşqun Diniyev, 18. Davit Volkov, 44. Dmitrios Çantakias, 26. Nemanya Andelkoviç, 14. Hamidu Keyta, 4. Cəlal Hüseynov.
Ehtiyat oyunçular: 1. Mehdi Cənnətov, 22. Nail Alışov, 10. Ağabala Ramazanov, 2. Sertan Taşkın, 15. Ruslan Abışov, 5. Rahil Məmmədov, 47. Məhəmməd Hamdaui, 9. Loris Broqno, 99. Ahmed Ayzaya, 13. Ramin Əhmədov, 56. Samir Ağayev, 27. Tamerlan Burcəliyev.
Baş məşqçi: Rəşad Sadıqov.

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics