İdman

Əfsanəvi futbolçular Azərbaycana nə üçün gəlir?

16 May 2022 22:13
0 Şərh     Baxış: 991

İspaniya yığmasının və Madrid "Real"ının əfsanəvi futbolçuları - Raul Qonsaleslə İker Kasilyas gələn ay Azərbaycana səfər edəcək.

Bu barədə jurnalist, təşkilatçı Ağa Dadaşzadə şəxsi feysbuk hesabında paylaşım edib.

Səfərin səbəbi barədə Offsideplus.az-a verən Dadaşzadə ispanların ölkəmizə istirahət məqsədi ilə gələcəyini bildirib:

"İker Kasilyasla Raul Qonsales azərbaycanlı iş adamı tərəfindən ölkəmizə dəvət olunub. Həmin iş adamı hazırda İspaniyada şəxsi bizneslə məşğuldur. Elə adıçəkilən futbolçularla dostluq əlaqələri olan soydaşımız onları Azərbaycana dəvət edib. Sabiq oyunçuların iyun ayının ortalarında Bakıya səfəri gözlənilir. Gəlişin məqsədi isə Azərbaycanda dincəlməkdir. İlk olaraq paytaxta qədəm qoyacaq futbolçular Bakıdakı məşhur otellərdən birində qalacaqlar. Onların bir neçə bölgəyə də səfəri planlaşdırılıb. Bu rayonlardan biri Qubadır".

Həmsöhbətimiz ispaniyalı futbolçuların yerli mətbuatla görüşünü də təşkil etmək istədiklərini söylədi:

"İndiyədək Azərbaycana bir sıra məşhur futbolçular gəlib. Lakin onların mətbuatla görüşü təşkil olunmayıb. Çalışırıq ki, bu dəfə Kasilyasla Qonsalesi azərbaycanlı media nümayəndələri ilə görüşdürək. Onu da qeyd edim ki, bu səfərin nə Gənclər və İdman Nazirliyi, nə də AFFA ilə əlaqəsi var. Bu, bir az əvvəl qeyd etdiyim kimi, azərbaycanlı iş adamının bilavasitə təşəbbüsü ilə həyata keçiriləcək".

Maraq üçün qeyd edək ki, bir neçə il əvvəl "Milan" klubunun isveçli ulduzu Zlatan İbrahimoviç də ölkəmizə səfərə gəlmişdi. Azərbaycan təbiətinin seyrinə çıxan 40 yaşlı hücumçu İsmayıllıda ova da getmişdi.

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics