İdman

Avropa Liqasında finalçılar müəyyənləşir

5 May 2022 08:49
0 Şərh     Baxış: 848
VTB-də minimal faiz dərəcəsi ilə nağd kredit 10.49%-dən

Bu gün UEFA Avropa Liqasında yarımfinal mərhələsinə yekun vurulacaq.

Milli.Az "Report"a istinadən bildirir ki, cavab oyunlarından sonra turnirin finalçıları bəlli olacaq.

Almaniyadakı ilk matçda minimal hesablı qələbə qazanan "Leyptsiq" bu dəfə "Reyncers"lə Şotlandiyada üz-üzə gələcək. Qlazqodakı "Aybroks" stadionunda oynanılacaq matçı portuqaliyalı FIFA referisi Artur Diaş idarə edəcək.

Gecənin digər oyununda İngiltərə "Vest Hem"i Almaniyada "Ayntraxt"la münasibətlərinə aydınlıq gətirəcək. Londondakı ilk görüşdə Frankfurt təmsilçisi rəqibini 2:1 hesabı ilə məğlub edib. "Frankfurtştadion" arenasında keçiriləcək matçın baş hakimi ispaniyalı Xesus Hil Mansano olacaq.

UEFA Avropa Liqası, yarımfinal

Cavab oyunları

5 may

23:00. "Reyncers" (Şotlandiya) - "Leyptsiq" (Almaniya)

Baş hakim: Artur Diaş (Portuqaliya)

Qlazqoda, "Aybroks" stadionu

İlk oyun - 0:1

23:00. "Ayntraxt" Frankfurt (Almaniya) - "Vest Hem" (İngiltərə)

Baş hakim: Xesus Hil Mansano (İspaniya)

Frankfurt, "Frankfurtştadion"

İlk oyun - 2:1

Qeyd edək ki, Avropa Liqasının finalı mayın 18-də İspaniyanın Sevilya şəhərindəki "Ramon Sançes Pisxuan" stadionunda baş tutacaq.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.