İdman

Azarkeşlərin dəstəyi həyəcanın öhdəsindən gəlməyə kömək edir - Bədii Gimnastika üzrə Bakı birinciliyinin iştirakçısı

3 May 2022 18:49
Baxış: 276

Çoxlu azarkeşlərin bizi dəstəkləməyə gəlməsi bizi çox sevindirir. Onların dəstəyi bizə həyəcanın öhdəsindən gəlməyə və öz gücümüzə inanmağa kömək edir.

Bu barədə Trend-ə bədii gimnastika üzrə 27-ci Bakı birinciliyinin iştirakçısı, "Qrasiya" idman klubunu təmsil edən gənc idmançı Mələk Rzayeva deyib.

"Yarışlara ciddi hazırlaşmışdım. Bundan əvvəl idman klubunda təşkil olunan turnirlərdə iştirak etmişəm, lakin Milli Gimnastika Arenasında ilk dəfədir ki, çıxış edirəm. Təəssüratlar çox gözəldir, zal böyük, işıqlıdır, tribunalarda çoxlu tamaşaçı var", - səkkiz yaşlı idmançı bildirib.

Gimnastın sözlərinə görə, o, həmişə məşqçinin göstərişlərini böyük diqqətlə dinləyir və bütün göstərişlərə əməl etməyə çalışır.

"Məşqçimi sevindirmək üçün həmişə yaxşı çıxış etməyə, yüksək nəticə nümayiş etdirməyə çalışıram. Ona görə də bu birinciliyə çox ciddi hazırlaşdım. Bu gün alətsiz proqram nümayiş etdirdim, sabah isə topla çıxış etməliyəm. Yeri gəlmişkən, top mənim sevimli alətimdir, ona görə də müsabiqənin ikinci gününü səbirsizliklə gözləyirəm", - Mələk Rzayeva bildirib.

Qeyd edək ki, mayın 3-4-də Bakı Milli Gimnastika Arenasında bədii gimnastika üzrə 27-ci Bakı birinciliyi keçirilir.

Birincilikdə 9 klubdan ümumilikdə 123-ü fərdi və 63-ü qrup komandasının (12 qrup) üzvü olmaqla 186 gimnast iştirak edir.

Yarışda idmançılar fərdi (balacalar - 2012, 2013, 2014-cü il təvəllüdlü, yeniyetmələr - 2010-2011-ci il təvəllüdlü, gənclər - 2007-2009-cu il təvəllüdlü) və qrup hərəkətləri proqramında (balacalar - 2012-2014-cü il təvəllüdlü, yeniyetmələr - 2010-2011-ci il təvəllüdlü) mübarizə aparır.

İki gün davam edəcək yarışda gimnastlar fərdi çoxnövçülükdə və qrup hərəkətləri proqramında öz aralarında qalibləri müəyyənləşdirəcəklər.

Milli.Az

İllik 14.5%-dən 30 000 manat zaminsiz komissiyasız kredit

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics