İdman

“Liverpul” 10 illik final həsrətinə son qoydu

16 Aprel 2022 22:09

0 Şərh Baxış: 1 293

VTB-də minimal faiz dərəcəsi ilə nağd kredit 10.49%-dən

#FUTBOL

İngiltərə kubokunda ilk finalçı müəyyənləşib.

Milli.Az apasport.az-a istinadən bildirir ki, "Liverpul" turnirin həlledici matçında iştirak hüququ qazanıb.

"Qırmızılar" yarımfinal mərhələsində "Mançester Siti"ni üstələyib. "Uembli" stadionunda baş tutan qarşılaşmada "Liverpul" Premyer Liqada çempionluq yolundakı əsas rəqibini 3:2 hesabı ilə məğlub edib. Yurgen Kloppun komandasının heyətində Sadio Mane dubl edibsə, digər qola İbrahima Konate imza atıb. "Şəhərlilər"in gücü Cek Qriliş və Bernardo Silvanın qolları sayəsində fərqi minimuma endirməyə çatıb.

Bununla "Liverpul" 10 ildən sonra ilk, ümumilikdə isə 15-ci dəfə İngiltərə kubokunun finalına yüksəlib. Mersisaydlıların finaldakı rəqibi yarımfinalın sabah keçiriləcək "Çelsi" - "Kristal Pelas" görüşündə müəyyənləşəcək.

Həlledici matç mayın 14-də baş tutacaq.

Milli.Az