Cəmiyyət

Azərbaycanda müəllimi sağ olduğu halda ölü kimi qeydiyyata alıblar - VİDEO

27 Noyabr 2021 08:18
0 Şərh     Baxış: 2 457
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ağcabədidə 59 yaşlı qadın sağ olduğu halda ölü kimi qeydiyyata alınıb.

Milli.Az "qafqazinfo"-ya istinadən xəbər verir ki, qeyri-adi hadisə Hindarx qəsəbə sakini Minarə Əliyevanın başına gəlib.

Qəsəbənin 3 saylı orta məktəbində riyaziyyat-informatika müəllimi işləyən M.Əliyevanın sözlərinə görə, bu ilin iyul ayında ənənəvi şəxsiyyət vəsiqəsin yeni nəsil şəxsiyyət vəsiqəsi ilə dəyişdirmək üçün Ağcabədi ASAN Xidmət Mərkəzinə müraciət edib.

Elə bütün məsələ də bundan sonra üzə çıxıb. M.Əliyeva bununla bağlı "Xəzər xəbər"ə danışıb:

"Rayon Təhsil Şöbəsinin mühasibatlığında mənimlə müqavilə imzalanan zaman mühasib çaş-baş qaldı. Direktora müraciət edib ki, bu müəllim vəfat edib? O da cavablayıb ki, xeyr, hazırda sinifdə dərs keçir. Məlum oldu ki, Ədliyyə Nazirliyinin saytında mən ölmüş kimi qələmə verilmişəm. Qeydiyyatda ölmüş kimi gedirəm".

Müəllim bununla bağlı yenidən Ağcabədi ASAN Xidmət Mərkəzinə müraciət edib. Oradan bildirilib ki, o, guya 1972-ci ildə Kəlbəcərin yaylağında vəfat edib, Ağcabədi rayon Hindarx qəsəbəsində dəfn olunub.

"Ağcabədi rayon Qeydiyyat şöbəsinə müraciət edərkən,  arxivə baxdılar ki, orada həqiqətən də vəfat etmiş kimi göstərilmişəm, ölüm sənədim var. Soruşdum ki, bəs nə etməliyəm? Dedilər, bunu məhkəmə yolu ilə, nazirliklə həll edə bilərsiniz" - deyə M.Əliyeva açıqlamasında qeyd edib.

Ağcabədi Qeydiyyat şöbəsindən bildirilib ki, adıçəkilən şəxs sistemdə 1972-ci ildə kənd icra nümayəndəliyinin sənədi əsasında ölü kimi qeydiyyata alınıb. O, bunun həlli üçün məhkəməyə müraciət etməlidir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.