Cəmiyyət

Şəhidlik zirvəsinə ucalan baş gizir Nahid Mikayılov - VİDEO

23 Noyabr 2021 14:16
0 Şərh     Baxış: 1 447
VTB-də minimal faiz dərəcəsi ilə nağd kredit 9.9%-dən
#CƏMİYYƏT #VİDEO

44 günlük Vətən Müharibəsində şəhidlik zirvəsinə ucalan 1982-ci ildə Kürdəmir rayonunun Şilyan kəndində doğulan Nahid Mikayılov, 2000-ci ildən ordu sıralarında qulluq edir. Hərbiyə olan marağı onu bu sahəyə gətirib. Azərbaycan ordusunda əvvəlcə gizir, sonra isə baş gizir kimi xidmət edən Nahid, 20 illik qüsursuz xidməti və aprel döyüşlərində göstərdiyi qəhrəmanlıqlar sayəsində medal və fəxri fərmanlarla təltif olunub. Vətənə sevgisi ailəsinə olan sevgidən daha üstün gəldiyindən şəhidimizin evinə sonuncu gəlişini doğmaları vida görüşü adlandırır.

Milli.Az Real TV-yə istinadən xəbər verir ki, şəhidin xanımı deyir ki, Nahid oktyabrın 26-sı zəng vurub evə gələcəyini söyləsə də, gələ bilmədi.

3 övladı olan şəhidimiz, sözün əsl mənasında onlarla nəfəs alırdı desək, heç də yanılmarıq. Nahid evə hər zəng etdiyində övladlarıyla danışaraq, onlarla maraqlanardı. Sonuncu dəfə oktyabrın 29-da atasıyla danışan Nihad söyləyir ki, sanki atası şəhid olacağını bilirmiş.

Ömrünün 20 ilini ordu sıralarında vətənə xidmət edən 38 yaşlı baş gizir Nahid Mikayılov, Vətən Müharibəsi başlayandan ön xətdə düşmənlə üz-üzə döyüşüb. Silahdaşları ilə birgə düşmənin xeyli sayda canlı qüvvəsi və texikasını məhv edib. Qızğın döyüşlər zamanı minaatan mərminin hədəfinə çevrilən Nahid, aldığı ağır qəlpə yaralarından şəhid olub. Şəhidimizin nəşi doğulduğu Kürdəmir rayonuna gətirilib və Şəhidlər Xiyabanında dəfn edilib. Şəhidimizdən geriyə 3 oğul övladı qalıb. Məhz qəhrəman atalarının yolunu gedəcək gələcəyin 3 əsgəri. Qeyd edək ki, şəhid Nahid Mikayılov, Ağdamın azad olunmasına, Vətən uğrunda və cəsur döyüşçü medalları ilə təltif olunub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.