Cəmiyyət

Azərbaycanda 5 aylıq körpənin gözlərinə COVID diaqnozu qoyuldu, qan gəlir - VİDEO

24 Sentyabr 2021 21:30
5 Şərh     Baxış: 1 540

Azərbaycanda 5 aylıq körpənin gözünə koronavirus diaqnozu qoyulub.

Milli.Az bildirir ki, bu barədə lent.az-a körpənin dayısı Əlişiraz Cənnətov məlumat verib.

O bildirib ki, 2 aya yaxındır ki, körpənin gözlərindən qan gəlir:

"Bunu görən kimi dərhal uşağı Bakıdakı klinikalardan birinə apardıq. Müayinə zamanı dedilər ki, uşağın gözlərində koronavirus var. Bunu onunla izah etdilər ki, anası hamiləlik zamanı koronavirusa yoluxub və virus ana bətnində olarkən uşağa da keçib. Sonra bir neçə həkimə də göstərdik. Bizə dedilər ki, bu nadir xəstəliklərdən biridir və adı yoxdur".

Ə.Cənnətov qeyd edib ki, körpənin müalicəsini heç kim öz üzərinə götürmək istəmir:

"Tanınmış bir neçə həkimlərlə də danışmışıq, heç kim kömək etmir. Özümüzü itirmişik və bilmirik ki, bu nədir. Ailəmizdə belə bir şey heç vaxt olmayıb.

Bu gün çalışacağıq ki, gözünü MRT etdirək. Çünki bir neçə həkim deyib ki, ancaq bundan sonra səbəbləri tapmaq olar və müalicə yazıla bilər. Amma bir məqam da var ki, çoxları balaca olduğu üçün anesteziya (narkoz) verilməsini istəmir. Məcbur qalaraq bu gün çalışacağıq ki, gözünü yoxlatdıraq və əsl səbəbi bilək".

Körpənin yaxınları bu xəstəliyin müalicəsində həkimlərdən yardımçı olmağı xahiş edir.

Milli.Az

Şərh yaz:

5 Şərh:

  • Anonim
    Məryəm · 24 Sentyabr 21:5010

    Kömək edin, yazıqdı körpə balanı əzablardan qurtarın yalvarıram. Dünyada yeganə dözə bilmədiyim şey körpədi yəni onun əzablar çəkməsinə dayana bilmirəm.

    Cavab yaz
  • Anonim
    !!! · 24 Sentyabr 21:5120

    Allah şəfa versin körpəyə tezliklə.Amin.

    Cavab yaz
  • Anonim
    (((((( · 24 Sentyabr 22:0020

    Şou verilişlərinə çıxarıb "mənəm mənəm" deyən göz həkimləri vare... reklamdan düşmürlər, bildiz də kimi deyirəm, hardadılar? Hə, Şahbazov?.........

    Cavab yaz
  • Anonim
    Nuray · 25 Sentyabr 07:5710

    Allah butun korpeleri qorusun amin

    Cavab yaz
  • Anonim
    !!! · 25 Sentyabr 09:2100

    Bir dəfə TV-də göstərirdilər,Braziliyada bir qadinin gözündə də belə problemlər var idi.Nadir xəstəlikdir dedilər.Səhv etmirəmsə,"Bizimləsən"verilişinə də bir gənc xanim gəlmişdi.Onun da gözündən qan gəlirdi.Müayinələr,analizlər edildi.Təssüf ki,hələ müalicəsi olmayan çox xəstəliklər var.Bu da onlardan biridir...Yenə də Allah mö'cüzəsini əsirgəməsin,tezliklə şəfa tapsin bu körpə,bütün xəstələrlə bahəm.Amin.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.