Cəmiyyət

Türkiyə ordusunun ölkəmizdəki Xüsusi Komandanlıq Qrupu nə vaxtdan fəaliyyət göstərir?

9 Sentyabr 2021 22:29

1 Şərh Baxış: 1 704

VTB-də minimal faiz dərəcəsi ilə nağd kredit 10.49%-dən

#CƏMİYYƏT

Son günlərdə yerli və erməni KİV-də Türkiyə Silahlı Qüvvələrini Azərbaycanda təmsil edən Xüsusi Komandanlıq Qrupuna dörd türk generalının daxil olacağı barədə xəbərlər yayılıb.

Adı çəkilən generallardan biri artıq ilin əvvəlindən bəri Ağdamdakı birgə monitorinq mərkəzində Türkiyə missiyasına rəhərlik edən Abdullah Qatırcıdır.

Bununla yanaşı, Xüsusi Komandanlıq Qrupu ölkəmizdə yeni qurum deyil və 1992-cil ildən fəaliyyət göstərir. Sadəcə, bu vaxtadək onun tərkibinə daha aşağı rütbəli zabitlər daxil olub.

Yeniliyə ehtiyac isə Azərbaycan və Türkiyə Ordularının artan birgə təlimləri və iki ölkənin Silahlı Qüvvələri arasındakı əlaqələrin genişlənməsindən doğur ki, bu da təbiidir. Burada hansısa siyasi çalar axtarmaq əlbəttə ki, mənasızdır.

İstənilən halda ordumuzun daha yaxşı təlim keçməsi sevindirici haldır. Belə ki, sülhün ən etibarlı təminatçısı məhz güclü ordudur.

Xatırladaq ki, Azərbaycanda Türkiyə Silahlı Qüvvələrini təmsil edəcək Xidmət Qrupu Komandanlığına 4 general təyin edilib

Türkiyə Quru Qoşunlarının əməliyyat üzrə rəisi, general-mayor Bəxtiyar Ersay Azərbaycanda Xidmət Qrupu Komandanlığına təyin edilməklə Türkiyə Baş Qərargahının əmrinə verilib.

General Abdulla Qatırçı da Azərbaycan Xidmət Qrupu Komandanlığının Birgə Mərkəz Komandanlığına təyin edilməklə Egey Ordu Komandanlığına təyinat alıb.

General Ender Güner Azərbaycan Xidmət Qrupu Komandanlığının Baş qərargah rəisi təyin edilib.

Türkiyə Silahlı Qüvvələrinin Bakıdakı yeni hərbi atteşesi general Zəkəriyyə Yalçın təyin olunub.

Milli.Az