Cəmiyyət

Naviqatordan istifadə edən sürücülər ehtiyatlı olun - Cərimələnə bilərsiniz - VİDEO

28 Avqust 2021 12:36
0 Şərh     Baxış: 1 393
VTB-də minimal faiz dərəcəsi ilə nağd kredit 10.49%-dən

Yolu tanımadıqda, yaxud yolda sıxlığı öyrənmək istədikdə bir çox sürücü naviqatorlardan istifadə edir. Bəzən isə naviqatorlar yanlış yol göstərir. Bu dəfə isə naviqtaor giriş qadağan olunan yolu alternativ yol kimi göstərərək sürücünün cərimələnməsinə səbəb olub.

Milli.Az xezerxeber.az-a istinadən xəbər verir ki, naviqatorla hərəkət edən sürücü cərimə olunub.

Yusif  Şıxəliyev ölkənin ilk rəsmi naviqasiya sistemi olan Aznavdan istifadə edir. Sürücü deyir ki, şəhərdə sıxlığın olub olmamasını və tanımadığı yolları bu proqramın köməyi ilə öyrənir. Lakin sonuncu dəfə naviqator ona giriş qadağan edilən küçə ilə hərəkət istiqaməti göstərib.

Yusif Şıxəliyevin  sözlərinə görə, təkrar həmin əraziyə baxış keçirəndə giriş qadağandır nişanını sonradan görüb. Yenidən tətbiqi yoxladıqda proqramın eyni yolu göstərdiyini görüb.

Məsələylə bağlı Aznav şirkətindən bildirdilər ki, mobil tətbiqin  məlumat bazasında olan məlumatlar rüblük və yarımillik dövrlərlə yenilənir. AzNav, məlumat bazasında mövcud olan informasiyanın dəqiqliyinə zəmanət vermir. İstənilən yol-hərəkəti qaydalarının pozuntusuna görə cərimə və ya başqa cəza aldığınız halda, AzNav istənilən növ ziyan üçün məsuliyyət daşımır. Bu barədə tətbiq daxilində "Məsuliyyətdən imtina" bölməsində məlumat da verilib.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.