Cəmiyyət

Baytar: “Zoobulvar”dakı alpakanın saxlanma şəraiti qaydalara uyğun deyil"

24 Avqust 2021 21:41

0 Şərh Baxış: 1 028

VTB-də minimal faiz dərəcəsi ilə nağd kredit 10.49%-dən

#CƏMİYYƏT

"Alpakanın hazırkı vəziyyəti qənaətbəxş olsa da, saxlanma şəraiti baytar-sanitariya qaydalarına uyğun deyil".

Milli.Az "Report"a istinadən bildirir ki, bunu Ekologiya və Təbii Sərvətlər Nazirliyinin dəvəti ilə "Zoobulvar"a ezam olunmuş baytar-həkim Fədail Gəncəliyev bildirib.

Onun sözlərinə görə, kliniki müayinə zamanı heyvanda travmatik yara müşahidə olunub: "Heyvanın xarici orqanlarının vəziyyəti yaxşı olsa da, arxa sağ budunda travmatik yara var. Bu yara hazırda saxlandığı yerə gəlməzdən əvvəl olub. Bununla bağlı onun bütün müalicələri davam etdirilir, biz də öz tövsiyələrimizi vermişik. İmmuniteti zəif olduğundan ona vitamin terapiya da olunur. Heyvanın genobalansını qaldırmaq üçün bir sıra dərmanlar məsləhət görmüşük".

Baytar-həkim deyib ki, heyvan qapalı şəraitdə saxlandığına görə stres keçirir: "Hazırda saxlandığı yerdə həddindən artıq səs-küy var və işıqlandırma güclüdür. Həmçinin digər heyvanlarla çox yaxın yerləşdiriblər. Bu heyvanlarda genetik xüsusiyyətlər var və bu da onların daha geniş ərazidə yaşamağını tələb edir".

Milli.Az