Cəmiyyət

Sərxoş deputat polisi evindən yuxudan qaldıraraq öz obyektində döyüb - Bilirsən də bu restoran kimindir...

30 İyul 2021 14:26
6 Şərh     Baxış: 6 670

İyulun 29-da Xaçmaz rayonunda deputat Eldəniz Səlimovun sərxoş vəziyyətdə Xaçmaz Rayon Polis İdarəsinin Qeydiyyat və Şəxsiyyət Vəsiqəsi bölməsinin əməkdaşı, polis baş leytenantı Mirzəyev Zaur Cavanşir oğlunu döyərək ona xəsarət yetirməsi faktının təfərrüatları məlum olub.

Milli.Az bildirir ki, manset.az-ın əldə etdiyi məlumata görə, hadisə Nabranda yox, Xaçmaz-Xudat yolunda, Tofiq Quliyev küçəsində "Samovar" restoranının yanında yerləşən və Eldəniz Vəliyevə məxsus olan "Starıy Dvor" adlı kafedə baş verib. Həmin kafeni Eldəniz Səlimovun xalası qızının əri Əfəndiyev Çingiz Nizami oğlu işlətsə də, kafe deputatın xalası qızı Əfəndiyeva Zülfiyyə Eldar qızının adına qeydiyyatdadır.

Hadisənin baş vermə təfərrüatı isə belədir.

Bir müddət bundan əvvəl deputat tərəfindən döyülən Zaur Mirzəyev "Starıy Dvor" kafesinə gələrək kafenin saat 00:00-dan sonra fəaliyyət göstərməməsini xahiş edib. Bununla bağlı pandemiya qaydalarının pozulduğunu, bunun qanunsuz olduğunu bildirib.
Hadisə baş verən gün gecə saat 00:45-də, deputat bir neşə dostu ilə bərabər özünə məxsus olan "Starıy Dvor kafesində pivə içərkən, deputat seçkiləri vaxtı tanıdığı Zaur Mirzəyevin atasına zəng edib. Onun oğlunun harda olduğunu soruşub. Polis nəfərinin atası oğlunun evdə yatdığını bildirib. Deputat atasına oğlunu təcili qaldırmağı və yanına gəlməsini tapşırıb. Bir qədər sonra Zaur Mirzəyev deputatın "Starıy Dvor" kafesinə gəlib və orada Eldəniz Səlimovun bir neçə dostu ilə pivə içdiyini görüb. Bu zaman deputat "Zaura sən bura gəlib, demisən ki, restoranı saat 12-dən sonra işlətməyin. Bilirsən də bu restoran kimindir." Polis nəfəri qanunları izah edib və qanun çərçivəsində bunu tələb etdiyini bildirib.

Bu zaman Deputat yerindən duraraq polisi şillələyib. Onu ağır söyüşlərlə təhqir edib. Zaur Mirzəyev ona "məni bura döymək üçün çağırmısız, siz vəzifəlisiz deyə, məni döyməlisiz"- deyə bildirib. 
Bunda sonra deputat daha da hiddətlənib və polisi daha ağır formada döyməyə başlayıb. Zaur Mirzəyev deputatdan onu buraxmağı xahiş etsə də, deputat polisdən əl çəkməyib. Tamam haldan düşəm polis nəfəri daha sonra əynində olan gödəkçənin yırtılıb deputatın əlində qalmasından sonra qaça bilib.

Hadisənin ən önəmli detayı isə polis nəfərinin ayıq davranaq bütün proseslərin səs yazısını qeyd etməsi olub. Həmin səs yazması hazırda sübut kimi təqdim edilib.

Milli.Az

Şərh yaz:

6 Şərh:

  • Anonim
    asi · 30 İyul 14:3440

    Bu da belə getdi...O qədər özbaşınalıq edib, cəzasız qalıblar ki, ilişəcəyi ağlına gəlməyib)..Yoxsa, deputat kreslosuna olan sevgi məhəbbət bu deputatı o polis nəfərinin qarşısında diz üstə də çökdürərdi ..

    Cavab yaz
  • Anonim
    ALEKS❤️ · 30 İyul 15:2020

    Qudurğanlıq.Ayrı heç nə.Yəni bu qədər də olmaz.evindən çağır döy....nədi nədi,qanunu deyib.Demək bu adam qanunu tanımaq istəmir.Polislə belə rəftar edən,gör indi sıravi vətəndaşla necə rəftar edir.Dəhşətdi.Dərhal ,,Qanunlar,,,ona başa salınmalıdır.özü də qaydası[email protected]

    Cavab yaz
  • Anonim
    Oqtay · 30 İyul 15:5820

    Kimliyindən asılı olmayaraq hər kəs əməlinə görə məsuliyyət daşıyır. Həm dünyəvi qanunlarla, həm də ALLAH qarşısında. Ola bilsin deputat mandatından daha çox içki onu cəsarətləndirib. Artıq gecdir!

    Cavab yaz
  • Anonim
    . · 30 İyul 16:4600

    Görəsən polis o soxa-soxda qeydiyyatı necə aparıb. Görəsən deyib ki, gözləyin qeydiyyat düyməsinə basım. Və görəsən bu əməli törədən vəkil bənzəri əməli törədən polis əməkdaşları kimi yalnız vəzifədən uzaqlaşdırılımaqla cəzalandırılacaq? Məncə yox. Necə deyirlər mənim polisim məni qoruyur, yox. Məncə məni mənim polisimdən kim qoruyur daha doğru olar.

    Cavab yaz
  • Anonim
    SEVDA · 30 İyul 16:4900

    BU QƏDƏR AZGINLIQ OLMAZ .BİZİM ÖLKƏNİN BELƏ SADƏ PREZİDENTİ OLDUGU HALDA NECƏ QUDURGAN MƏMURLARİ VAR.ÖLÇÜ GÖTÜRÜLMƏSİ VACİBDİR.

    Cavab yaz
  • Anonim
    zayac · 2 Avqust 09:2900

    oxx, nə yaxşı eləyiblər. deputatların vəvəzifədəkilərin əksəriyyətinin ağzına belə zibili yığmaq lazımdır ki, hər kəsə dərs olsun. Bu ölkədə qanun belə çıxır ki, təkcə kasıb, qara cammat üçündür?!

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.