Ölkə

Nazir müavini təyin edilən Fazil Məmmədovun dosyesi

6 Oktyabr 2026 19:32

Baxış: 329

VTB-də minimal faiz dərəcəsi ilə nağd kredit 9.9%-dən

#NAXÇIVAN

Naxçıvan Muxtar Respublikası (MR) mədəniyyət nazirinə yeni müavin təyin edilib. Bununla bağlı Naxçıvan Muxtar Respublikasının Baş naziri Cabbar Musayev sərəncam imzalayıb.

Oktyabrın 6-da C.Musayev F.Məmmədovu kollektivə təqdim edib.

Milli.Az oxu.az-a istinadən Fazil Məmmədovun dosyesini təqdim edir:

Fazil Məmmədov 25 sentyabr 1970-ci ildə anadan olub. O, mühəndis-texnoloq və inzibati idarəetmə ixtisasları üzrə ali təhsil alıb.

1994-2025-ci illərdə müxtəlif özəl şirkətlərdə, "Azərkimya" Dövlət Şirkətində, həmçinin Azərbaycan Respublikasının Gənclər və İdman, İqtisadiyyat və Energetika nazirliklərində müxtəlif vəzifələrdə çalışıb.

F.Məmmədov son təyinatadək Naxçıvan Muxtar Respublikası Ali Məclisi Aparatı rəhbərinin müavini vəzifəsində fəaliyyət göstərib.

O, dövlət qulluğunun baş müşaviri ixtisas dərəcəsinə malikdir.

Fazil Məmmədov ailəlidir, iki övladı var.

Müəllif: Ülkər Vəliyeva (Milli.Az redaktor)