Cəmiyyət

Peyvənd olunmayanlara qadağalar - VİDEO

15 İyun 2021 14:48
Baxış: 1 559

Vaksinasiya genefondun təhlükəsizliyi məsələsidir

Milli.Az Real TV-ə istinadən bildirir ki, son günlər ölkəmizdə koronavirus pandemiyasına yoluxma sayında kəskin azalma müşahidə olunur.

Ötən günün statistikasına nəzər salsaq aydın olar ki, son sutkada Azərbaycanda COVİD-19-dan ölüm sayı qeydə alınmayıb. Bu mənada, heç şübhəsiz, xəstəliklə mübarizədə müsbət dinamikanın nəzərə çarpmasında başlıca rolu məhz vaksinasiya oynayır.

Digər tərəfdən, ölkəmizə yeni növ koronavirus infeksiyasına qarşı müxtəlif şirkətlərə məxsus peyvəndlərin gətirilməsi vətəndaşlar üçün seçim imkanlarını genişləndirməklə bərabər, həm də vaksinasiyaya olan marağı daha da artırıb. Elə bu səbəbdəndir ki, paytaxt poliklinikalarında növbə gözləyənlər də yetərincədir.

Başqa sözlə desək, Nazirlər Kabinetinin "Xüsusi karantin rejiminin müddətinin uzadılması və bəzi məhdudiyyətlərin aradan qaldırılması ilə bağlı tədbirlər barədə" qərarına uyğun olaraq, vaksinasiya olunan vətəndaşlara verilən imtiyazlar da sözügedən prosesi sürətləndirən əsas məqamlardandır.

Qeyd edək ki,18 yaşdan yuxarı və əksgöstərişləri olmayan, habelə, vaksin vurdurmaq istəyən hər bir şəxs "COVID-19 vaksin randevu" elektron xidmətindən istifadə etməklə, adıçəkilən xəstəlik əleyhinə vaksinasiya üçün onlayn qaydada növbə götürməlidirlər. Peyvəndin birinci dozası vurulduqdan 28 gün sonra isə ikinci dozanın vurulması üçün təkrar qeydiyyatdan keçməyə ehtiyac yoxdur.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.