Cəmiyyət

Tovuzda xəstəxanada qazilərə yardım üçün həkim tapılmır - İDDİA VƏ RƏSMİ CAVAB - VİDEO

25 May 2021 12:24

Baxış: 1 177

VTB-də minimal faiz dərəcəsi ilə nağd kredit 10.49%-dən

#CƏMİYYƏT #VİDEO

Tovuz Rayon Mərkəzi Xəstəxanasında Vətən müharibəsi qazilərinə tibbi müdaxilə edilməməsi iddia olunur.

Milli.Az xezerxeber.az-a istinadən xəbər verir ki, sosial media və xəbər portallarında gündəmi zəbt edən videodakı qazilər bildirirlər ki, onlarla günün ikinci yarısı ümumiyyətlə həkim maraqlanmır. Yalnız tibb bacılarının ümidinə qalırlar.

Tovuz Rayon Mərkəzi Xəstəxanasının baş həkimi Mahirə Quliyeva "xəzər xəbər"ə açıqlamasında bildirib ki, bazar günü növbətçi həkimin biri reanimasiya şöbəsində, digəri isə təcili yardım şöbəsində olur. Onların müalicə həkimi isə istirahət günü olduğu üçün işdə olmayıb.

Qazilərin həkimi Afət Qasımova isə görüntüdəki fikirlərlə razılaşmadığını və hər zaman onlara diqqət və qayğı göstərildiyini bildirir.

Mahirə Quliyeva onu da bildirib ki, dərin psixonevroloji problemləri olan qazilərimizin 1 nömrəli Respublika Psixiatriya Xəstəxanasına göndərilməsi tövsiyə olunub. Lakin qazinin atası övladının həmin xəstəxanaya göndərilməsinə icazə verməyib. Hazırda həmin şəxslərin müalicəsi aparılır və onların Silahlı Qüvvələrin Baş Klinik Hospitalına göndərilməsi təmin edilib.

Mövzu ilə bağlı daha ətraflı videomaterialı təqdim edirik:

Milli.Az