Cəmiyyət

Qəhrəman döyüşçünün şəhadət yolu - VIDEO

3 May 2021 11:44

Baxış: 746

VTB-də minimal faiz dərəcəsi ilə nağd kredit 9.9%-dən

#VİDEO

Yasin Məmmədov Füzuli uğrunda gedən döyüşlərdə vuruşub

Milli.Az Real TV-ə istinadən bildirir ki, bir il bundan əvvəl bu günü ailəsi ilə qeyd edib Yasin. Elə bu evdə bu ocaqda. Bir il bundan əvvəl kimsə bilməzdi ki, Yasin Məmmədovun növbəti doğum gününü bütün Azərbaycan qeyd edəcək, xalqın başını uca edən oğulun doğumu mübarək Şəhadətə çevriləcək!

Vətən müharibəsi qəhrəmanlarından biri də Yasin Məmmədovdur. O, 1998-ci ilin mayın 3-də Azərbaycanın dilbər guşəsi olan Gədəbəydə doğulub. Doğulduğu kənddə - Ağamalıda orta təhsilə yiyələnib.

At belində, sıldırımlı dağlarda böyüyən Yasin dərslərindən də geri qalmayıb. Məktəb birincisi olan qəhrəmanımız 2015-2019-cu illərdə Azərbaycan Texniki Universitetində ali təhsilə yiyələnib. O,ali təhsilini başa vuran kimi hərbi xidmətə yollanıb. Texniki universiteti bitirsə də arzusu polis olmaq idi.

Yasin Məmmədov ölümündən sonra "Vətən uğrunda", "Döyüşlərdə fərqlənməyə görə" və "Füzulinin azad olunmasına görə" medalları ilə təltiflənib.

Milli.Az