Cəmiyyət

Turxansız ilk doğum günü - VİDEO

6 Aprel 2021 11:44
Baxış: 405
Dünən şəhid Turxan Allahverdiyevin ad günü idi

Milli.Az Real TV-ə istinadən bildirir ki, bu həmin o Turxandır ki, Şuşa uğrunda döyüşmək onun ən ali arzusu idi. Ömrü yarımçıq qalsa da, Şuşa arzusu yerinə yetdi. Özü kimi qəhrəmanlarla birgə. Bu gün qəhrəmanın doğum günüdür. Azadlığın doğum gününü bizdən öncə görən Şəhid Allahverdiyev Turxan Rəsul oğlu 5 aprel 1996-cı ildə Gədəbəy rayonu İnəkboğan kəndində doğulub.

Atası Şuşanın azad edilməsində məhz onun da oğlunun iştirak etməsinə sevinərkən hələ oğlunun şəhid olmasından xəbərsizmiş. Onun yoxluğu bu ailə üçün ağır olsa da dönüb Turxanın keçdiyi şərəfli yola baxanda ürəkləri dağa dönür. Ondan qalan əşyalar belə sanki dil açıb danışır. Keçdiyi şərəfli döyüş yolundan...

Harda olmaqlarından asılı olmayaraq Vətənin dar günündə qaçaraq gələn oğullardan 1-i idi Turxan Allahverdiyev. Turxanın gözlərindəki cəsarətdir Azərbaycan sevgisi. Başının üstünə güllə yağa-yağa bu cür baxmaqdır Vətən sevgisi.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.