Cəmiyyət

Təlimçilər kobud şəkildə qayda pozur - VİDEO

16 Yanvar 2021 13:54
Baxış: 717

Bakıda son vaxtlar sürücülüyü öyrədən bəzi təlimçilər kobud qayda pozuntusuna yol verirlər. Onlar avtomobil sürməyi öyrətdikləri şəxsi sükan arxasında hərəkətdə olmasını çəkib sosial şəbəkələrdə paylaşırlar. Yol hərəkəti üzrə ekspertlər deyirlər ki, bu, inzibati xəta olmaqla yanaşı, həm də bir təlimçi üçün pis örnəkdir.

Milli.Az xezerxeber.az-a istinadən bildirir ki, sürücü tələbəsinə avtomobil idarə etməyi öyrətmək əvəzinə, ona sanki qayda pozmağı aşılayır.

Təlimçi qadın avtomobil sürməyi öyrənən qadının yanında mobil telefonla çəkiliş edərək onun da fikrini yayındırır. Onun bu hərəkəti sükana hələ tam hakim olmayan naşı sürücünü hər an çaşdıra bilər.

Yol hərəkəti üzrə ekspert Ərşad Hüseynov deyir ki, qanunvericiliyə görə, təlim prosesi zamanı təlim alan tələbə və avtomobilin sərnişin yerində əyləşmiş təlimçi sürücü sayılırlar. Yəni hər iki şəxs sürücü statusunu daşıyır. Bununla bağlı Konstitusiya məhkəməsinin və Ali məhkəmənin qərarları da var.

Ərşad Hüseynov onu da bildirdi ki, təlimçiyə tələbəsini öyrədərkən yalnız təhlükəsizlik kəmərindən istifadə etməməsinə icaza verilir. Bu da ona görədir ki, sürücülüyü öyrənən şəxs əgər xətaya yol verərərsə, təlimçi anında sükana müdaxilə edə bilsin.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.