Cəmiyyət

27 yaşlı döyüşçü Nəsrəddin Cəfərov - Dualarla cəbhəyə yola salındı, döyüşlərdə gözünü qırpmadı - VİDEO

5 Yanvar 2021 12:00
Baxış: 743
VTB-də minimal faiz dərəcəsi ilə nağd kredit 10.49%-dən

Vətən müharibəsinin gedişində qəhrəmanlıqları ilə yadda qalan qazilər evlərinə dönməyə davam edirlər. Gəlişi ilə doğmlarını sevincə qərq edən cəsur döyüşçülərdən biri də gəncəli Nəsrəddin Cəfərovdur. Döyüşlərə könüllü yollanan, sağlamlığını itirsə də geriyə o iki medalla dönüb.

Dualarla cəbhəyə yola salındı, döyüşlərdə gözünü qırpmadı. Canından can qatıb torpaqların azadlığına töhfə verdi. Geri dönüşündə ilk dayanacağı Şeyx Nizaminin məqbərəsi oldu.

Daha sonra Şəhidlər xiyabanına gedərək Vətən uğrunda qurban gedən silahdaşlarını yad etdi.

27 yaşlı döyüşçü Nəsrəddin Cəfərovun 3 ay əvvəl tərk etdiyi evinin qapısından girişi isə əsl coşquya səbəb oldu. Quranın altından keçib tərk etdiyi ocağına Quranı öpərək daxil oldu. Qəlbində isə keçdiyi döyüş yolunun verdiyi fəxarət hissi.

İlk gündən müharibənin sonuna qədər şərəfli döyüş yolu keçən, Şuşa ətrafında ağır yaralanaraq hospitala yerləşdirilən Nəsrəddinin igidliyi ilə bütün qohumlar fəxr edir.

Döyüşlərdə göstərdiyi şücaətə görə Nəsrəddin Cəfərov "Şuşanın azad olunmasına görə" və "Döyüşdə fərqlənməyə görə" medalları ilə təltif edilib.

Milli.Az xezerxeber.az-a istinadla mövzu ilə bağli videomaterialı təqdim edir:

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.