Cəmiyyət

“Dəfnə gəlmişdik, ermənilər bizi görüb atəş açdı” - VİDEO - FOTO

16 Oktyabr 2020 17:36
Baxış: 1 544

Xəbər verdiyimiz kimi, ötən gün Ermənistan silahlı qüvvələri Tərtərdə dəfn zamanı qəbiristanlığı atəşə tutub, nəticədə 4 mülki vətəndaşımız həlak olub, eyni sayda da yaralanıb.

Milli.Az qafqazinfo-ya istinadən xəbər verir ki, yaralılardan 3-nün vəziyyəti qənaətbəxş, birinin durumu isə orta-ağırdır.

Yaralılar əməkdaşımızla söhbətində bildiriblər ki, düşmən bilərəkdən qəbiristanlığı hədəf alıb.

"Qəbiristanlığa dəfnə gəlmişdik, 8 nəfər idik. Ermənilər əvvəl bir mərmi atdı, onda meyiti qəbirə qoymuşduq, çıxa bilmədik. İkincini atanda yanımıza düşdü. Böyük qardaşım İskəndər, yeznəm, qohumum və qəbirqazan dünyasını dəyişdi", - deyə hadisə zamanı yaralanan Nofəl Əmirov bildirib.

"Xalam rəhmətə getmişdi, Yevlaxda yeznəsinin evində idi. Dəfn etmək üçün Tərtərə getdik. Hiss etdim ki, ermənilər bizi gördülər. Mərmi düşəndə elə bildim qolumu tulladı. Ətrafa baxdım ki, hamı yerə yıxılıb", - Məmmədov Füzuli hadisə barədə danışarkən qeyd edib.

Hadisə zamanı xəsarət alan axund Rafael Qəzənfərli də ermənilərin qəsdən dinc əhalini hədəf aldığını qeyd edib:

"Ordumuzla üz-üzə gələ bilmirlər, əliyalın insanları hədəf alırlar. Yetər ki, bizə qələbə qismət olsun".

Hazırladığımız videoreportajı təqdim edirik:

Milli.Az

Məqaləyə dair fotomateriallar:

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.