Cəmiyyət

Erməni terroruna “dayan!” deyən Elanur - VİDEO - FOTO

15 Oktyabr 2020 14:16
Baxış: 2 531

Ötən gündən etibarən sosial şəbəkələrdə üzərində #stoparmenianaggression (erməni aqressiyasına son) həştəqi yazılan balaca qızcığazın fotosu yayılıb.

Milli.Az qafqazinfo-ya istinadən xəbər verir ki, kampaniya məqsədilə hazırlanmış "cover"in dünən, 16:00-dan etibarən 72 saat müddətinə bütün sosial şəbəkələrdə profil şəkli kimi istifadəsi təklif olunub.

Məqsəd Azərbaycan torpaqlarının Ermənistan tərəfindən işğala məruz qalmasına və Gəncəyə edilən terror hücumlarına dünya ictimaiyyətinin diqqətini cəlb etməkdir.

Kampaniyanın gedişində azyaşlının kimliyi də müzakirə mövzusuna çevirilib, onun Azərbaycan vətəndaşı olmadığı iddia olunub.

"Nargis" nəşriyyat evinin təsisçisi Ülviyyə Mahmudovanın instaqramdakı paylaşımından sonra məlum olub ki, həmin qız azərbaycanlıdır və kampaniyanın siması seçilən balacanın adı Elanurdur. Azyaşlının instaqram səhifəsində qeyd olunub ki, onun atası Türkiyə, anası Azərbaycan vətəndaşıdır.

Milli.Az

Məqaləyə dair fotomateriallar:

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.