Cəmiyyət

Azərbaycanda koronaviruslu xəstə əhaliyə çağırış etdi

26 Mart 2020 23:26
13 Şərh     Baxış: 7 911

"ATV xəbər"in əməkdaşları Azərbaycanda koronavirus xəstəliyinə yoluxmuş xəstələrin müalicə olunduğu xüsusi rejimli xəstəxanada olublar.

Milli.Az "qafqazinfo"-ya istinadən xəbər verir ki, xəstəxanada hazırda koronavirusa yoluxmuş xəstələr xüsusi palatalarda bir-bir saxlanılıb.

Koronavirusa yoluxanlardan biri qısa müsahibəsində bildirib ki, bir neçə gündür müalicə olunur: "Mən özümü narahat hiss etdim və həkimə müraciət elədim. Sonra məni bura gətirdilər. Üzümü xalqa tutaraq deyirəm ki, hər birimiz öz həkimimiz olaq. Hamını verilən qərarlara, qadağalara əməl etməyə çağırıram".

Xəstəxananın baş direktoru Emin Hüseyn bildirib ki, orada yerləşdirilən xəstələrin bir qismi xaricdən təxliyyə olunanlar, qalanı isə onlarla ünsiyyətdə olan şəxslərdir: "İlk günlərdən etibarən xəstəxanamız diaqnostik və müalicə baxımından gücləndirilib. Pasiyentlər müvafiq dərman preparatları ilə müalicə olunur. Ümumi vəziyyətləri kafidir, dinamika müsbətə doğru gedir. Düşünürük ki, müalicə bitdikdən sonra onlar bu xəstəlikdən tam sağalmış vəziyyətdə öz ailələrinə,cəmiyyətə təhvil veriləcək".

Qeyd edək ki, Azərbaycanda xüsusi rejimli xəstəxanalara yerləşdirilən 104 nəfər aktiv koronavirus xəstəsi həkim nəzarəti altındadır, onlardan 5 nəfərin vəziyyəti ağır, 9 nəfərin vəziyyəti isə orta ağır qiymətləndirilir, digərlərinin səhhəti stabildir. Həmin şəxslərin müalicəsi ilə bağlı zəruri tədbirlər davam etdirilir.

Ötən müddət ərzində Azərbaycanda insanların yeni koronavirus (COVİD - 19) infeksiyasına yoluxma hallarının müəyyənləşdirilməsi ilə əlaqədar 20 mindən artıq test aparılıb.

Koronavirusa yoluxma halları həm Azərbaycana xaricdən gələn şəxslər sırasında, həm də ölkə daxilində insanların bir-birini yoluxdurması faktları üzrə aşkarlanır. Bundan başqa, artıq ölkəmizin müxtəlif regionlarında yaşayan insanlar arasında infeksiyaya yoluxma halları qeydə alınmağa başlayıb.  

Bu səbəbdən vətəndaşlarımızdan özünütəcrid tədbirlərinə uyğun davranmaq, yalnız ciddi ehtiyac yarandıqda evdən çıxmaq, digər şəxslərlə minimum kontaktda olmaq, insanların sıx toplaşdığı yerlərə getməmək və xüsusi karantin rejiminə əməl etmək tələb olunur. Vətəndaşlarımızı bir daha şəxsi gigiyena qaydalarına, Ümumdünya Səhiyyə Təşkilatının, Nazirlər Kabineti yanında Operativ Qərargahın tələb və tövsiyələrinə ciddi riayət etməyə çağırırıq.

Xatırladaq ki, koronavirus infeksiyasının yayılmasının, onun törədə biləcəyi fəsadların qarşısının alınması məqsədilə martın 24-dən aprelin 20-dək Azərbaycanda xüsusi karantin rejimi elan olunmuşdur. Xüsusi rejim qaydalarına əsasən, xüsusi təyinatlı avtomobillərin hərəkəti istisna olmaqla, Bakı, Sumqayıt şəhərləri və Abşeron rayonuna giriş və çıxış məhdudlaşdırılmış, 65 yaşdan yuxarı insanların evdən çıxması, ictimai yerlərdə, o cümlədən küçələrdə, bulvarlarda, parklarda və digər yerlərdə vətəndaşların 10 nəfərdən artıq qruplarda cəmləşməsi qadağan edilmiş, vətəndaşlara yerüstü nəqliyyatdan istifadə etmək, insanlararası təmaslarda 2 metrlik məsafə saxlamaq, koronavirus xəstəliyi üçün xarakterik simptomların hiss olunduğu hallarda 103 və ya 15-42 nömrəli qaynar xəttlərə zəng etmək ciddi tövsiyə olunub.

Milli.Az

loading...

Şərh yaz:

13 Şərh:

  • Anonim
    Nur · 26 Mart 23:36168

    Salam. Kimin tanisina koronovirus diaqnozu qoyulub? Ele bir adam taniyirsiniz?

    Cavab yaz
    • Anonim
      KMV · 26 Mart 23:51114

      Sizin subheniz var? Bizim millet beledir, gerek kimse gozunun onunde yixilib ole sonra inana.

      Cavab yaz
    • Anonim
      cavab · 27 Mart 00:0940

      Bu boyda yalan olar? Təkcə bizdə deyil ki bütün dünya belədir.Siz lap mənim yoldaşım kimi düşünürsiniz.Karantin olandan günüm qaradır.Bayaqdan restoranlar açıq idi gedib orda oturdukar.İndi restiran bizim evimiz olub.Bütün dünya deyir heç kimə getməyin, evdə oturun , bu dostlarını evə gətirit.Biz də belə qorunuruq.Neynəmək olar.Əlacım nədi.

      Cavab yaz
    • Anonim
      Sovet vətəndaşı · 27 Mart 07:5250

      Nur, nəsə mənə də şübhəli gəlir. Nədisə dünyanın başını qatirlar.

      Cavab yaz
    • Anonim
      GS · 27 Mart 17:3800

      Bu karantinde olan adamdir. Koronali deyil

      Cavab yaz
  • Anonim
    Dilber · 27 Mart 00:2820

    Coronovirus olan olub saxalanin ozu qohumu yaxini olanlar mutleq bildirin hardansiniz milleti melumatlandirin gizletmekle daha da yixila numerology

    Cavab yaz
    • Anonim
      ◇◇ · 27 Mart 10:0820

      Lügətimizə yeni söz əlavə olundu) ) numerology

      Cavab yaz
  • Anonim
    Nur · 27 Mart 00:4151

    Subhem yoxdu. Sadece men gozumle gormediyim, qulaqimla esitmediyim seylere inanmiram.

    Cavab yaz
  • Anonim
    Alsu. · 27 Mart 05:2000

    Bizim yaxınlarımızdan şukurlər olsun ki hec kimdə koronavirus yoxdur .Amma , bu o demək deyil ki , biz sıqortalanmışıq .Hamı tələb olunan qaydalara riayət etməlidir ! Bu həm özumuzu qorumaqa , həm də ətrafımızdakıların virusdan uzaq olması deməkdir ! Allah butun insanlara kömək olsun ! Amin !

    Cavab yaz
  • Anonim
    Nura · 27 Mart 08:2924

    Belə düşünürəm sənin lap tanışım yoluxsa belə sənin kimilər inanmayacaq sizinkimilərin ancaq özləri yoluxmalıdır ki insansınız özünüzə yazığınız gəlmir bu Millətə yazığınız gəlsin Allahdan qorxun. Elə bir imkan ola sizi kimi inanmayanları bir yerə yığasan di gedin necə istəyirsiniz yaşayın Dünya məhv olur hələ bu tanış axtarır ........

    Cavab yaz
  • Anonim
    Alina · 27 Mart 09:4500

    Türkiyədə toplu qəbristanlık davası gedir baxın Allahdan qorxun evdə qalın bu miilətə rəhminiz gəlsin

    Cavab yaz
    • Anonim
      ◇◇ · 27 Mart 10:1550

      Demək 4 nəfərlik ailədə cəmi 1 nəfər işləyən var idi o da qaldı evdə.Evdə də olanda təbiiki, ərzaq cox işlənir.İndi kim gətirib cörəkpulumu verəcək? EVDƏ QAL AC qal?

      Cavab yaz
  • Anonim
    08.29a · 27 Mart 10:1441

    Siz menim Allaha olan inacimi sorqulaya bilmezsiniz. Sohbet Allahdan yox hazirki veziyyetden gedir. Sizin Allahdan danisib qarğiş etmeyinizi de ozunuzun vicdanina buraxiram. Menim 2 ovladim var. Men de tereddud icindeyem. Qerargahin qaydalarina da riayet edirem.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.