Cəmiyyət

Politoloq: "Azərbaycan ekologiya və ətraf mühitin mühafizəsi məsələlərinə böyük diqqət ayırır"

24 Yanvar 2020 10:51
Baxış: 893
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Azərbaycanın Dünya İqtisadi Forumu kimi mühüm tədbirdə iştirakı vacib və zəruridir.

Milli.Az bildirir ki, bunu Trend-ə Rusiya Maliyyə Universitetinin filialının direktoru Pavel Klaçkov deyib.

O qeyd edib ki, panel iclasında çıxış edən Azərbaycan Prezidenti İlham Əliyev ölkədə daxili vəziyyətlə, Azərbaycanın dünyadakı mövqeyi, regionda təhlükəsizlik, eləcə də qlobal ekologiya məsələləri ilə bağlı vacib tezislər və mövzular səsləndirib:

"Forum çərçivəsində İlham Əliyev Gürcüstanın Baş naziri Georgi Qaxariya ilə də görüşüb. Onlar nəqliyyat-enerji layihələrinin reallaşdırılması barədə danışıblar. Bu, Bakının etibarlı tərəfdaş qismində layiqli imicini yaradır və Azərbaycan buna arxalana bilər. Bu, həmçinin onu göstərir ki, Azərbaycan həm iqtisadi, həm də siyasi baxımdan sabit inkişaf edən ölkədir".

Ekspert hesab edir ki, Azərbaycan iqlim dəyişiklikləri ilə mübarizəyə çox dəyərli töhfə verir: "Azərbaycan ətraf mühitin mühafizəsi məsələsinə böyük diqqət ayırır və atmosferə zərərli tullantıların azaldılmasında bir çox ölkələri qabaqlayır. Prezident İlham Əliyevin forumda iştirak etməsi ölkənin iqtisadi rəqabətqabiliyyətliliyini artıracaq və imicini yaxşılaşdıracaq. Çünki bir çoxları İlham Əliyevin Dünya İqtisadi Forumunun saytında yerləşdirilən məqaləsi ilə tanış olub. Məqalədə qeyd olunduğu kimi, "Azərbaycan daim ekoloji balansı saxlamaqla, yəni ətraf mühiti mühafizə etməklə, öz vətəndaşlarının sosial-iqtisadi inkişafı üçün çalışır".

P.Klaçkovun sözlərinə görə, prezidentin iştirakı ölkənin dünya iqtisadiyyatının gələcək inkişafında iştirakını təmin edir: "Mən deyərdim ki, bu, siyasi, iqtisadi və ekoloji layihələrin ayrılmaz kombinasiyası və Azərbaycanın müxtəlif beynəlxalq layihələrdə iştirakı ilə bağlı məsələlərin həllində düzgün istiqamətdir. Bu amillər Azərbaycan üçün gələcəyə qapı açır və bu gələcək uğurlu, firavan olacaq".

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.