Cəmiyyət

Qafqaz Universitetinin adı və loqosu dəyişilir? - YENİLƏNİB - FOTO

1 Sentyabr 2016 15:32

1 Şərh Baxış: 8 049

VTB-də minimal faiz dərəcəsi ilə nağd kredit 10.49%-dən

#CƏMİYYƏT #TƏHSİL #BAKI

15:32

Qafqaz Universitetinin adının dəyişdirilməsi ilə bağlı yayılan məlumatlar yalandır.

Bu barədə AzVision.az-a Universitetdən bildirilib.

Qeyd edilib ki, Qafqaz Universitetinin adı dəyişdirilməyib və bu məsələ hazırda gündəmdə deyil.

"Saytlarda çıxan məlumat yalandır. Universitetin adının "Socar University" olacağı haqqında informasiyalar həqiqətə uyğun deyil. Yəqin ki, bununla bağlı rəsmi açıqlama veriləcək", - deyə qeyd edilib.

----------

15:31

Hər kəsin bildiyi kimi, uzun zamandır Azərbaycanda fəaliyyət göstərən Qafqaz Universiteti bir müddət əvvəl bağlanaraq Bakı Ali Neft Məktəbinin idarəçiliyinə verilib.

Milli.Az-a daxil olan məlumata görə, neft məktəbinin idarəçiliyinə verilən universitetin adı, habelə loqosu dəyişdirilib.

Mənbə iddia edir ki, Qafqaz Universiteti yeni təhsil ilindən artıq "SOCAR University" adı altında fəaliyyət göstərəcək.

Qeyd edək ki, iyulun 20-də təsisçinin - SOCAR-ın nəzdindəki Azərbaycan Beynəlxalq Təhsil Mərkəzinin qərarı ilə Qafqaz Universiteti Bakı Ali Neft Məktəbinin idarəçiliyinə verilib. Azərbaycan Beynəlxalq Təhsil Mərkəzi SOCAR-ın təsisçiliyi ilə yaradılıb və nəzdində Bakı İstedadlar Təhsil Kompleksi, Bakı Fransız Liseyi də fəaliyyət göstərir.

Məsələ ilə bağlı daha ətraflı məlumat veriləcək.

Ceyhun Ələkbərov

Milli.Az