Cəmiyyət

Gəncədə görkəmli oftalmoloq alim Zərifə Əliyevanın anadan olmasının 88-ci ildönümü münasibətilə xatirə gecəsi keçirilib

28 Aprel 2011 11:50

Baxış: 311

VTB-də minimal faiz dərəcəsi ilə nağd kredit 9.9%-dən

#AZERBAİJAN

Gəncə Dövlət Dram Teatrında görkəmli oftalmoloq alim, akademik Zərifə Əliyevanın anadan olmasının 88-ci ildönümü ilə əlaqədar xatirə gecəsi keçirilib. Gecədə çıxış edənlər qısa, lakin mənalı ömrünü göz xəstəliklərinə qarşı elmi axtarışlara həsr edən, bu yolda böyük nailiyyətlərə imza atan Zərifə Əliyevanın həyat və fəaliyyətindən söhbət açıblar.

Əməkdar elm xadimi, tibb elmləri doktoru, akademik Zərifə Əliyevanın Azərbaycanda oftalmologiya elminin inkişafında müstəsna xidmətlərindən danışan natiqlər onun bu sahədə qazandığı uğurları diqqətə çatdırıb, müxtəlif göz xəstəliklərinin qarşısının alınmasında bir sıra sanballı tədqiqatların müəllifi kimi xalqın sevimlisinə çevrildiyini qeyd ediblər.

Mərasimdə Zərifə Əliyevadan və ailəsindən bəhs edən filmin nümayişindən sonra şəhərin incəsənət ustaları konsert proqramı ilə çıxış ediblər.

AzərTAc