Aprelin 20-ə olan hava proqnozu

Milli.Az xəbər portalı AzərTAc-a istinadən xəbər verir ki, Bakıda və Abşeron yarımadasında hava dəyişkən buludlu, əsasən yağmursuz keçəcək. Bəzi yerlərdə zəif duman olacağı ehtimalı var.
Bakıda gecə 7-9° isti, günün birinci yarısında 18-20° isti, axşama doğru 13°-dək isti olacaq.
Atmosfer təzyiqi 763 millimetr civə sütunundan 753 millimetr civə sütununa enəcək, nisbi rütubət 55-65 faiz olacaq.
 
Naxçıvan Muxtar Respublikasında bəzi yerlərdə şimşək çaxacağı, arabir yağış yağacağı gözlənilir.
Temperatur gecə 6-11°, gündüz 18-23° isti olacaq.
 
Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən-Gədəbəy rayonlarında havanın əsasən yağmursuz keçəcəyi, lakin gecə və axşam bəzi yerlərdə yağış yağacağı gözlənilir. Axşam dolu düşəcəyi ehtimalı var. Səhər ayrı-ayrı yerlərdə duman olacaq.
Temperatur gecə 0-4° isti, gündüz 7-12° isti təşkil edəcək.
 
Qazax-Gəncə, Goranboy, Tərtər-Ağdam-Ağcabədi-Füzuli-Cəbrayıl rayonlarında hava əsasən yağmursuz keçəcək, lakin gecə və səhər bəzi yerlərdə qısamüddətli yağış yağacaq. Axşam dolu düşəcəyi ehtimalı var.
Temperatur gecə 6-10°, gündüz 14-19° isti olacaq.
 
Balakən-Zaqatala-Qax-Şəki-Oğuz-Qəbələ, İsmayıllı-Şamaxı-Ağsu-Xızı, Siyəzən-Şabran, Quba-Qusar-Xaçmaz rayonlarında havanın əsasən yağmursuz keçəcəyi, lakin gecə və axşam bəzi yerlərdə yağış yağacağı gözlənilir. Axşam dolu düşəcəyi ehtimalı var. Səhər ayrı-ayrı yerlərdə duman olacaq.
Temperatur gecə 4-9° isti, gündüz 12-17° isti, dağlarda gecə 0-4° isti, gündüz 7-12° isti təşkil edəcək.
 
Mərkəzi-Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında havanın əsasən yağmursuz keçəcəyi, gecə və səhər bəzi yerlərdə duman, çiskin olacağı gözlənilir.
Temperatur gecə 5-10° isti, gündüz 19-24° isti təşkil edəcək.
 
Masallı-Lənkəran-Astara-Lerik və Yardımlı rayonlarında şimşək çaxacağı, arabir yağış yağacağı gözlənilir. Aprelin 21-də bəzi yerlərdə yağışın intensiv olacağı ehtimalı var.
Temperatur gecə 3-7° isti, gündüz 8-13° isti, dağlarda gecə 0-3° isti, gündüz 5-8° isti olacaq.
 
Tibbi-meteoroloji proqnoz: 20 aprel gündüzdən 22 aprel səhərədək şimal-qərb küləyinin arabir bəzi yerlərdə güclənəcəyi gözlənilir. 22-23-də gecə və səhər fasilələrlə yağış yağacağı ehtimal olunur. 21-22-də temperatur ötən günlə müqayisədə 5-8° aşağı enəcək.

Milli.Az