Sağlam qida

Yayın sevilən meyvəsi kişilərin yataq performansını artırırmış

6 May 2025 02:02

Baxış: 330

VTB-də minimal faiz dərəcəsi ilə nağd kredit 10.49%-dən

#SAĞLAMLIQ #SAĞLAM QİDA

Yay mövsümünün sevilən meyvəsi kişilərin yataq performansını artırır.

Milli.Az xəbər verir ki, yay aylarında ən çox istehlak edilən meyvələrdən olan qarpız, kişilərin cinsi sağlamlığına müsbət təsir edir.

Bu nəticələr "Current Research in Food Science" jurnalında dərc olunub və "Daily Mail" tərəfindən yayımlanıb. Yəməndəki Thamar Universitetinin tədqiqatçısı Dr. Haitham Al-Madhagi bildirib ki, qarpızın tərkibindəki maddələr orqanizmdə azot oksidi istehsalını artırır, bu da damarları genişləndirərək qan dövranını yaxşılaşdırır. Onun sözlərinə görə bu təsir mexanizmi "viqra"ya bənzəyir və cinsi performansa birbaşa müsbət təsir edir.

"Qarpız tarix boyu həm qidalandırıcı, həm də müalicəvi xüsusiyyətləri ilə seçilib. Antioksidant tərkibi sayəsində sperm keyfiyyətini artırır, kişi cinsi funksiyalarını dəstəkləyir və xayaların fəaliyyətini yaxşılaşdırır," - deyə Dr. Al-Madhagi vurğulayıb.

Digər tərəfdən, İspaniyadakı Madrid Complutense Universitetinin apardığı başqa tədqiqatda isə D vitamini çatışmazlığının kişilərdə sərtləşmə problemlərini artıra biləcəyi məlum olub. Alimlər bildirib ki, D vitamini əskik olan kişilərdə cinsi orqanlardakı toxumalar zəif işləyir və bərpa prosesi ləngiyir.

Həmin araşdırmanı aparan Dr. Miguel Olivencia qeyd edib ki, siçanlar üzərində aparılan sınaqlarda da eyni nəticələr müşahidə olunub. Onun sözlərinə görə, D vitamini çatışmazlığının aradan qaldırılması kişilərdə cinsi performansı gücləndirə bilər.

İsmayıl
Milli.Az