Sağlamlıq

Faydalı bilib hər gün içirik - Qaraciyəri məhv edirmiş

6 May 2025 03:03
Baxış: 4 181
VTB-də minimal faiz dərəcəsi ilə nağd kredit 9.9%-dən
#MARAQLI #SAĞLAMLIQ #XƏSTƏLİK

Qaraciyərin sağlamlığına ciddi təsir göstərən, lakin sağlam hesab edilərək gündəlik istehlak olunan bəzi qidalar əslində təhlükə saçır.

Milli.Az xəbər verir ki, Harvard və Stanford universitetlərində təhsil almış gastroenteroloq Dr. Saurabh Sethi, qaraciyəri "səssizcə" zədələyən və geniş yayılan üç qidanı açıqlayıb.

Bu məhsulların orqanizmdə yağlanma, insulin müqaviməti və iltihab riski yaratdığı bildirilib.

Fruktozası yüksək qidalar
Qazlı içkilər, konfetlər, bişmiş məmulatlar və paketlənmiş qəlyanaltılar fruktoza ilə zəngindir. Bu maddə qaraciyərdə yağa çevrilərək alkoqolsuz qaraciyər yağlanmasına səbəb olur. Zamanla iltihab, çapıq toxuması və hətta qaraciyər çatışmazlığına yol aça bilər.

Sənaye yağları (Toxum yağları)
Soya, qarğıdalı, kanola və günəbaxan yağı kimi sənaye yağları omeqa-6 ilə zəngindir və balanssız qəbul olunduqda xroniki iltihab yaradır. Dəfələrlə qızdırıldıqda zərərli maddələr əmələ gətirərək qaraciyər hüceyrələrinə ziyan vurur.

Meyvə şirəsi
Təbii hesab edilən meyvə şirəsi əslində lifsiz şəkər bombasıdır. Fruktoza ilə yüklü bu içkilər qaraciyəri yorur və yağ yığılmasını sürətləndirir. Qan şəkərini sürətlə qaldıraraq insulin müqaviməti və qaraciyər yağlanması riskini artırır.

Meyvəni bütöv halda yemək, sənaye yağlarından uzaq durmaq və qablaşdırılmış, şəkərli içkiləri minimuma endirmək qaraciyər sağlamlığını qorumağın əsas yollarındandır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.