Sağlam qida

Bunu hərgün için - Bağırsaqları qoruyur

6 May 2025 06:06
Baxış: 2 764
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #SAĞLAM QİDA

Kefir təkcə həzm sisteminə deyil, həm də bağırsaqlardakı iltihabı azaltmağa kömək edir və sağlamlıq üçün mühüm içkidir.

Milli.Az bildirir ki, bu barədə dietoloq Beyaz Tağraf bildirib.

O qeyd edib ki, kefir təkcə həzm sisteminə deyil, həm də bağırsaqlardakı iltihabı azaltmağa kömək edir və sağlamlıq üçün mühüm içkidir. Onun sözlərinə görə kefirin bu xüsusiyyəti eyni zamanda Alzheimer xəstəliyinə qarşı qoruyucu təsir göstərə bilər.

Kefir bağırsaq iltihabını önləməklə bədəndəki xroniki iltihab hallarını azaldır, bu da yaddaş zəifləməsi kimi problemlərin qarşısını almaqda mühüm rol oynayır. Ancaq o, təkcə kefir içməklə nəticə gözləməyin düzgün olmadığını, ümumi sağlam həyat tərzinin vacib olduğunu vurğulayıb.

Dietoloq əlavə edib ki, Alzheimerlə mübarizədə sadəcə dərmanlara deyil, düzgün qidalanma, fiziki fəallıq və zehni məşqlər kimi çoxşaxəli dəstəyə ehtiyac var. "Kefir çox faydalıdır, amma onun təsirini görmək üçün sağlam həyat tərzini qəbul etmək şərtdir," - deyə o bildirib.

Əlavə olaraq qeyd edək ki, kefir immuniteti gücləndirir, bağırsaq florasını nizama salır və gündəlik istehlakı xüsusilə stressli həyat sürənlər və oturaq çalışanlar üçün faydalıdır. Mütəxəssislər gündə bir-iki stəkan kefiri adi vərdişə çevirməyi tövsiyə edir.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.