Sükut nədir? Harada və necə susmalı?

İslam dini insanın nəfsini tərbiyə etməsində sükutun faydalarından söz açmış və xeyirlərini bəyan etmişdir. 
Milli.Az deyerler.org-a istinadən bildirir ki, bu haqda gələn bəzi hədislərə nəzər salaq:
1. "Sükut - ağlın meyvəsidir".
2. Həzrət Peyğəmbər (s) buyurur: "Dilini saxla, məgər xeyir sözdə".
3. "Sükut - elm qapılarının qapılarındandır".
4. "Sükut edin, çünki sükut, insanın sağlam olmasına səbəb olar".
5. "Sükut edəndə, insan dil büdrəmələrindən amanda qalar".
6. "Sükut - elmin zinətidir".
7. "Sükut, fikir və düşüncə ilə bağıdır".
8. "Nə zaman görsən ki, mömin sükut halındadır, özünü ona yaxınlaşdır, çünki o, hikməti sənə təlqin edəcəkdir".
Əxlaq alimləri deyir ki, özünü tərbiyə etməyin yollarından biri -  sükut etməkdir. Sükut iki cür olur: ümumi sükut və xüsusi sükut.Ümümi sükut odur ki, dilini çox söz deməkdən saxlayasan. İnsan gərək zəruri olan halda insanlarla danışsın. Ondan artığını deməyə çalışmasın. Xüsusi sükut odur ki, insan Allahı zikr edən zaman başqaları ilə danışmamalıdır.
Məsumlarımız (ə) buyurur ki, danışmaq gümüşdürsə, susmaq - qızıldır. O insan ki, özünü tərbiyə etməyə çalışır, gərək dilini də tərbiyə etsin. Bədən üzvləri içərisində nəzarət edilməsi çətin olan üzv - dildir. Həzrət Peyğəmbər (s) buyurur: "Hər kim ki, dilini islah edər - Quranın hamısına əməl etmiş olar".
Bu hədisdən də göründüyü kimi, sükut etməyin İslam dinində xüsusi əhəmiyyəti vardır. Lakin, bu, o demək deyildir ki, hər yerdə sükut etmək lazımdır. O yerdə ki, söz deməyin zəruridir, sükut etmək bəyənilməz bir əməl sayılar.
Belə ki, İmam Əli (ə) buyurur: "O yerdə ki, danışmalısan - sükut etmək bəyənilməz və xeyirsizdir. Necə ki, elmi məlumatın olmayan şey haqqında danışmağın - xeyirsiz və bərəkətsizdir".
Bəli, dinimiz hər şeydə etidalı tövsiyə edir. Sükut da ona aiddir. İnsan o yerdə ki, susmalıdır - sükut etsin, o yerdə ki, danışmağı zəruridir - danışsın. Yəni, sükutun və danışmağın şəraitinə diqqət etməlidir. 
Milli.Az