Şou-biznes

Aktrisa yeddi uşaqla ağır qəzaya düşdü

7 Aprel 2026 00:31

Baxış: 1 684

VTB-də minimal faiz dərəcəsi ilə nağd kredit 9.9%-dən

#QƏZA #AKTRİSA

Amerikalı aktrisa, "Beverly Hills 90210" serialı ilə tanınmış Tori Spellinq Kaliforniya ştatının Temekula şəhərində ağır yol-nəqliyyat qəzası keçirib.

Milli.Az oxu.az-a istinadən xəbər verir ki, hadisə baş verən zaman aktrisanın idarə etdiyi nəqliyyat vasitəsində onun dörd övladı və dostlarının üç uşağı olub.

Qəzaya qırmızı işıqdan keçən digər sürücü səbəb olub və o, yüksək sürətlə aktrisanın avtomobilinə çırpılıb. Zərbənin təsirindən Tori Spellinq və avtomobildəki uşaqlar üç fərqli təcili tibbi yardım maşını vasitəsilə yaxınlıqdakı klinikaya çatdırılıblar. Uşaqlarda müxtəlif dərəcəli kəsiklər, əzilmələr və beyin silkələnməsi qeydə alınıb.

Spellinqin hazırkı vəziyyəti barədə məlumat verilmir. Qəzanı törədən nəqliyyat vasitəsinin ön tərəfi isə ciddi şəkildə əzilib.

Milli.Az