İdman

"Liverpul" Salahın yerinə onu gətirir - FOTO

7 Aprel 2026 00:35

Baxış: 1 299

VTB-də minimal faiz dərəcəsi ilə nağd kredit 9.9%-dən

#LİVERPUL

"Liverpul" artıq yay transfer pəncərəsində Məhəmməd Salahı əvəz etmək üçün planlarını hazırlamağa başlayıb. Misirli hücumçu mövsümün sonunda klubdan ayrılacağını rəsmən açıqlayıb.

Milli.Az xəbər verir ki, Arne Slotun rəhbərlik etdiyi komanda bu mövsüm ciddi çətinliklərlə üzləşib. Ötən il Premyer Liqa çempionu olan "Liverpul"da Salahın formadan düşməsi komandanın ümumi vəziyyətini əks etdirir. Ötən mövsüm 54 oyunda 34 qol və 23 asistlə möhtəşəm performans göstərən ulduz, bu mövsüm çıxdığı 35 oyunda cəmi 10 qol və 9 asistlə yadda qalıb.

Salahın yayda Səudiyyə Ərəbistanına transferi gündəmdədir. Gözləntilər onun azad agent kimi ayrılacağı yönündə olsa da, "Liverpul"un onun müqaviləsini ləğv edərək Orta Şərqə gedişinə icazə verməsi danışıqlarda yeni bir qapı aça bilər. Mersisayd təmsilçisi bu vəziyyətdən istifadə edərək "superulduz" hücumçu Markos Leonardonu heyətinə qatmağı hədəfləyir.

Gənc braziliyalı "Benfika"dakı uğursuz Avropa təcrübəsindən sonra Səudiyyə Ərəbistanında yenidən adından söz etdirməyi bacarıb. İndi o, Avropaya qayıdaraq top-səviyyəli hücumçu olduğunu sübut etmək istəyir. "Liverpul" onu həm ənənəvi "9 nömrə", həm də yarımmüdafiə ilə hücum arasında bağ yaradan "saxta 9 nömrə" kimi çıxış edə bildiyi üçün ideal variant hesab edir. Əsas hədəf olan Maykl Olisenin transferi qeyri-mümkün göründüyü üçün Leonardo prioritetə çevrilib.

Lalə Qüdrətova
Milli.Az