Hadisə

"Evin tək oğlu idi, toya hazırlaşırdı" - Ailə FACİƏSİ - Yenilənib - FOTO

6 Aprel 2026 10:22

Baxış: 7 844

VTB-də minimal faiz dərəcəsi ilə nağd kredit 9.9%-dən

#SEL #BƏDBƏXT HADİSƏ

Xəbər verdiyimiz kimi, Qusarda bədbəxt hadisə baş verib. 29 yaşlı şəxsi sel aparıb. Hadisə rayonun Gündüzqala kəndində baş verib.

Milli.Az xəbər verir ki, bu barədə Baku TV-nin videomaterialında bildirilib.

Kənd sakinlərinin sözlərinə görə, bu artıq ərazidə baş verən ikinci sel hadisəsidir: "Sel güclü gəlib, eşitdiyimə görə bir nəfəri də aparıb. Bu, ikinci dəfədir. Bundan 3-4 gün qabaq da gəlmişdi. O da çox güclü idi. Bu, ondan da güclüdür".

Mərhumun qohumu hadisə anını belə təsvir edib:

"İki gündür sel gəlir. Qıraqda dayanmışdıq hamımız. Baxırdıq selə, kömək etməyə ehtiyac yox idi. O, birinci dəfə sürüşdü, güclə tutub çıxardıq. İkinci dəfə sürüşəndə çatdıra bilmədik. Özü bir az qıraqda dayanmışdı, torpaq suyun içinə düşdü. O da onunla bir yerdə düşdü. O qədər qaçdıq, ayaqyalın, amma çatdıra bilmədik. Su çox sürətli idi. Evin tək oğlu idi, subay idi. Toya hazırlaşırdı".

---------------

2026.04.05

Qusarda 29 yaşlı kişini sel aparıb.

Milli.Az qafqazinfo-ya istinadən xəbər verir ki, bu gün günorta saatlarında Qusar rayonu Gündüzqala kənd ərazisindən keçən Quru çaya sel gəlib.

Həmin kəndin sakini, 29 yaşlı Farik Fərid oğlu Rəsulovu sel aparıb.

Əldə etdiyimiz məlumata görə, həmin şəxsin meyiti tapılıb.

Milli.Az