Cəmiyyət

Qubada yeni turizm marşrutu açılıb

27 May 2014 17:15
0 Şərh     Baxış: 803

Qubada yay turizm mövsümünə hazırlıq işləri yekunlaşıb

Qubaya gələn turistlər 3 turizm marşrutundan faydalanır. Bunlar Quba-Afurca, Quba-Ləzə və Quba-Xınalıq istiqamətlərində olan xəttləridir. Milli.Az Regional TV-yə istinadən xəbər verir ki, hər 3 marşrut üzrə turistlərin sıxlığı müşahidə olunur. Elə bu səbəbdən də bu mövsüm sayca 4-cü Quba-Xanəgah turizm marşrutu da açılıb.

Quba turizm informasiya mərkəzindən bildirilib ki, bu istiqamətində xəttin açılması Xanəgah kəndin tarixi abidələrlə zəngin olması, eləcə də təbiətinin füsunkarlığı ilə bağlıdır.

Yay turizm mövsümünə hazırlıq işləri rayondakı istirahət mərkəzlərindən də hiss olunur. Ümumilikdə 30-dan artıq otelin olduğu rayonda Quba-Xınalıq istiqamətindəki əksər istirahət obyektlərində tikinti və yenidənqurma işləri görülür. İstirahətə gələnlərə göstərilən xidmət növlərinin sayı artırılır.
 

Ötən il Qubaya 60 mindən artıq turist gəlib. Mütəxəssislər bu il istirahət üçün Qubanı seçənlərin sayının daha çox olacağını proqnozlaşdırırlar.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.