Cəmiyyət

Qar Yevlaxda avtomobillərin hərəkətində çətinliklər yaradıb

31 Yanvar 2014 18:14
0 Şərh     Baxış: 660
VTB-də minimal faiz dərəcəsi ilə nağd kredit 10.49%-dən

Yevlaxa yağan qar nəqliyyat vasitələrinin hərəkətində çətinlik yaradıb. Sürücülər deyirlər ki, avtomobil yolları sürüşkəndir. Milli.Az El TV-yə istinadən xəbər verir ki, ona görə də avtomobilləri normal şəkildə idarə edə bilmirlər.

Sürücü Mətləb Musayev, Tahir Məmmədov, Elnur Məmmədov və başqaları bildiriblər ki, yolların qardan təmizlənməsi istiqamətində heç bir tədbir görülməyib. Sürücülər yollardakı vəziyyətdən şikayətçi olsalar da, Yevlax Şəhər İcra Hakimiyyətinin Şəhər Təsərrüfatı üzrə müavini Müstəqim Məmmədov bildirib ki, bir neçə texnika vasitəsilə yollarda qarın təmizlənməsi prosesi həyata keçirilib. Onun sözlərinə görə, yollara duz və torpaq səpilib. Müstəqim Məmmədov deyib ki, qarlı- şaxtalı hava şəraiti davam etsə, bu tədbirlər mütəmadi olaraq görüləcək.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.