“Uşaqların səsi” adlı konsert proqramı təqdim olunub - FOTO
VTB-də minimal faiz dərəcəsi ilə nağd kredit 9.9%-dən
Yunan filosofu Platon musiqini yalnız sənət deyil, həm də təhsil və əxlaq vasitəsi hesab edib. O, musiqinin insan ruhuna birbaşa təsir etdiyini, xarakterin formalaşmasında mühüm rol oynadığını vurğulayırdı. Platona görə xor musiqisi isə səs, ritm və rəqs vasitəsilə harmoniya, kollektiv düşüncə və nizam-intizam hissini gücləndirdiyi üçün xüsusilə vacib idi. Bu baxımdan xor ifası təkcə musiqi bacarığı deyil, həm də birgə əmək, qarşılıqlı dinləmə və məsuliyyət mədəniyyətini formalaşdıran mühüm vasitədir.
Musiqi ümumiyyətlə uşaqların intellektual, emosional və sosial inkişafında əvəzsiz rol oynayır. Elmi araşdırmalar göstərir ki, musiqi ilə məşğul olan uşaqlarda yaddaş, diqqət, nitq bacarıqları, eləcə də emosional ifadə qabiliyyəti daha sürətlə inkişaf edir. Xorda oxumaq isə uşaqlara özünü ifadə etməklə yanaşı, kollektivin bir parçası olmağı, bir-birinə uyğunlaşmağı və səhnə mədəniyyətini aşılayır.
Azərbaycan Dövlət Uşaq Filarmoniyası bu baxımdan hər zaman uşaqların hərtərəfli inkişafına xüsusi diqqət ayırır. Filarmoniyanın nəzdində fəaliyyət göstərən dərnəklər, xüsusilə xor və vokal sinifləri uşaqların musiqi dünyasını kəşf etməsinə, istedadlarının üzə çıxmasına və peşəkar səhnə təcrübəsi qazanmasına geniş imkan yaradır.
10 ildən çoxdur ki, müxtəlif tədbir və müsabiqələrdə uğurla iştirak edən "Səda" uşaq xoru və vokal sinifi bu istiqamətdə nümunəvi kollektivlərdən biridir. Uzun illər ərzində formalaşan bu yaradıcı kollektiv təkcə yüksək ifa mədəniyyəti ilə deyil, həm də özünəməxsus səhnə duruşu və səmimi çıxışları ilə seçilir. "Səda" uşaq xorunun bədii rəhbər və dirijoru Mehdizadə Aysel xorla oxumanın incəliklərini, qayda-qanunlarını hər bir uşağa dəqiqliklə öyrədir, xüsusi həssaslıqla yanaşır, hər bir iştirakçının səs imkanlarını nəzərə alaraq onlarda düzgün nəfəs alma, intonasiya, ritm duyumu və səhnə mədəniyyətini formalaşdırır. Onun peşəkar və səbrli yanaşması nəticəsində uşaqlar təkcə musiqi bilikləri qazanmır, eyni zamanda kollektiv ruhu, məsuliyyət hissini və sənətə sevgi ilə yanaşmağı öyrənirlər.
Təqdim olunan "Uşaqların səsi" adlı konsert proqramı da bunun bariz nümunəsi oldu. Əsl bayram abu-havalı bu gecədə uşaqların saf, sevgi dolu, həyəcanlı və sevincli çıxışları hər ifalarında, hətta hər notlarında hiss olunurdu. Rəngarəng repertuar, fərqli janrlı mahnılar, onların musiqiyə olan sevgisi bütün zalda əyləşən tamaşaçıların böyük heyranlıq və sevinc hissi ilə izlədiyi möhtəşəm bir sənət bayramına çevrildi.
Bu cür konsertlər uşaqlar üçün təkcə səhnə təcrübəsi deyil, eyni zamanda özünə inamın artması, uğur hissinin yaşanması və gələcək yaradıcılıq yoluna motivasiya deməkdir. Tamaşaçılar üçün isə bu çıxışlar saf duyğuların, səmimi sənətin və gələcəyin istedadlarının canlı təzahürüdür.
Konserti izləyənlər arasında Professor, Xalq artisti Gülnaz İsmayılova, Əməkdar müəllim, sənətşünaslıq üzrə fəlsəfə doktoru, professor Leyla Məmmədova-Fərəcova, Ailə, Qadın və Uşaq Problemləri üzrə Dövlət Komitəsindən nümayəndə, 17 nömrəli Uşaq Musiqi Məktəbinin direktoru Samirə İsayeva, bəstəkar Sevda Rəhimova və digər qonaqlar var idi.
Vokal sinfinin müəllimi, peşəkar vokal ifaçısı Aslanova Leyla artıq uzun illərdir ki, bu sinfə rəhbərlik edir. Hər bir şagirdə fərdi, peşəkar yanaşması konsert zamanı uşaqların ifasında, səhnə duruşlarında aydın hiss olunurdu.
Azərbaycan Dövlət Uşaq Filarmoniyası və onun nəzdində fəaliyyət göstərən "Səda" uşaq xoru kimi kollektivlər milli musiqi mədəniyyətimizin yaşadılması və gələcək nəsillərə ötürülməsində mühüm missiya daşıyır. Bu missiya isə hər bir uğurlu çıxışda, hər bir alqışda və hər bir uşağın gözlərindəki sevincdə öz əksini tapır.
Konsertin sonunda bütün iştirakçılar və müəllimlər səhnəyə çıxaraq gələn qonaqlara, tamaşaçılara, valideyinlərə, eləcə də Dövlət Uşaq Filarmoniyasının rəhbəliyinə öz dərin təşəkkürlərini bildirib.
İnformasiya dəstəyi - Trend.Az, Day.Az, Milli.Az
Məqaləyə dair fotomateriallar:
DİGƏR XƏBƏRLƏR
-
Oqtay Şıxəliyevin həyat və yaradıcılığından bəhs edən “Şəhərdə izi olan rəssam” adlı sənədli film nümayiş olunub - (Foto)
-
Gələcəyə Qayıdış - Tofiq Cabbarov Azərbaycan cazının ulduzlarını eyni səhnədə bir araya gətirəcək
-
Filarmoniyada “Səsimiz Səsindir, Humay!” adlı xeyriyyə axşamı keçirilib - (Foto)
-
Gəncə və Bakı teatrları arasında əməkdaşlıq memorandumu imzalanıb -
-
Şəfiqə Məmmədova və Fəxrəddin Manafov “Laçından keçən ulduzlar” layihəsinin ilk qonaqları olublar - (Foto)
-
Əyyub Quliyevin rəhbərliyi ilə Dövlət Kamera Orkestrinin konserti keçirildi - (Foto)
XƏBƏR LENTİ
-
Tualet kağızı tarixə qovuşur - yeni gigyena cihazı
-
Avtobus sürücülərinin qayda pozmasına görə hansı tədbir görülür? - (Video)
-
ABŞ Milli Təhlükəsizlik Agentliyi məxfi şəbəkəsində nasazlıq yarandığını təsdiqləyib
-
Putinin tərcüməçisi ABŞ rəsmiləri ilə görüşə damğa vurdu - (Video)
-
Bələdiyyə sədri qəfil öldü - (Foto)
-
ABŞ-də benzin xeyli ucuzlaşdı
-
Ögey qardaşı tərəfindən öldürüldüyü deyilən Gülarənin (Fotoları)
-
Günün qoroskopu: Ani qərarlar vermək üçün uyğun gün deyil
-
Rusiyanın Kemerovo vilayətində "An-12" qəzaya uğrayıb, 19 nəfər həlak olub - Yenilənib
-
11 milyon dollarlıq əmlak: Lamin Yamal Şakira və Pikenin evinin yeni sahibi oldu
-
ABŞ Azərbaycana ərazilərin minalardan təmizlənməsində yardım göstərə bilər
-
Qaranlıq yollara işıqqaytarıcı boyaların vurulması effektivdir? - (Video)
-
Müzəffər İsayev vəfat etdi
-
"Xəyanət edirsə, onu bağışla" - Ayan Babakişiyeva
-
Məşhur aktyor Luis Lorenso həbs edildi
-
ABŞ Keşm adasına raket zərbəsi endirdi - (Video)
-
Bədbəxt hadisə nəticəsində ölən Elvinin (Fotosu)
-
Eldar İsmayılov təqaüdə göndərilir
-
"Atamda xərçəng aşkarlandı, 20 günün içində öldü" - Xuraman Əlizadə
-
Bakıda ucuz qiymətə maşınlar satışa çıxarılacaq - Qiymətlər
-
"Müalicəmi davam etdirmədim" - İntizar Məmmədzadə xəstəliyindən danışdı
-
Almaniya XİN başçısı Prezident İlham Əliyevə təşəkkür edib
-
Bella və Cici Hadidin atası özündən 35 yaş kiçik rus modellə evlənir - (Foto)
-
Kürdəmirdə 6 otaqlı ev əşyaları ilə birlikdə kül oldu - (Foto)





