Şou-biznes

Saxlanılan Aleyna Tilki ilə bağlı vəkilindən açıqlama

18 Dekabr 2025 15:10
Baxış: 2 128
VTB-də minimal faiz dərəcəsi ilə nağd kredit 9.9%-dən
#MÜĞƏNNİ #TÜRKİYƏ ŞOUBİZNESİ

Türkiyədə İstanbul Baş Prokurorluğunun məşhurları əhatə edən genişmiqyaslı əməliyyatı çərçivəsində saxlanılan müğənni Aleyna Tilkinin vəkili Ayşegül Mermer mətbuata açıqlama verib.

Milli.Az-ın DHA-ya istinadən verdiyi xəbərə görə, Mermer Vilayət Jandarm Komandanlığının qarşısında bildirib ki, Tilki bu gün istintaq çərçivəsində saxlanılıb və aparılan axtarışlar zamanı hər hansı cinayət tərkibli material aşkar edilməyib. Vəkil qeyd edib ki, hazırda təsdiqlənmiş əlavə məlumat yoxdur və yaxın saatlarda rəsmi açıqlama veriləcək.

O, təqsirsizlik prezumpsiyasının qorunmasının vacibliyini vurğulayıb.

Qeyd edək ki, əməliyyat narkotik və ya stimullaşdırıcı maddələrdən istifadə ilə bağlı əsaslı şübhələr üzrə aparılır. İstintaq çərçivəsində müğənni Aleyna Tilki ilə yanaşı, aktrisa İrem Sak, sosial media fenomeni Danla Bilic və Mümine Senna Yıldız da saxlanılıblar. Melisa Döngel, Yusuf Güney və Cihan Şensözlü ünvanlarında tapılmayıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.