Texnologiya

"Telegram" 128 min manat cərimələndi

18 Dekabr 2025 17:40

Baxış: 1 601

VTB-də minimal faiz dərəcəsi ilə nağd kredit 9.9%-dən

#RUSİYA #TEXNOLOGİYA #TELEGRAM MESSENGER LLP

Moskva məhkəməsi "Telegram"ı 6 milyon rubl ( təxminən 128 min manat ) cərimələyib.

Milli.Az xəbər verir ki, Moskvanın ümumi yurisdiksiyalı məhkəməsi "Telegram Messenger Inc" şirkətinə 6 milyon rubl məbləğində cərimə kəsib.

Bu barədə paytaxt məhkəmələrinin mətbuat xidməti məlumat verib.

Məhkəmənin qərarına görə, şirkət federal icra hakimiyyəti orqanının göstərişini yerinə yetirməməkdə günahkar bilinib. Bu orqan kütləvi informasiya vasitələri, informasiya texnologiyaları və rabitə sahəsində nəzarət funksiyasını həyata keçirir.

Qeyd edək ki, oktyabr ayında Moskvanın Taqanski rayon məhkəməsi Telegram-ı inzibati xəta törətməkdə təqsirli bilmiş və ona 7 milyon rubl cərimə təyin etmişdi.

Sentyabr ayında isə həmin məhkəmə şirkəti qadağan olunmuş məlumatları silməməkdə günahkar hesab edib və 3,5 milyon rubl cərimə kəsmişdi.

Bundan əvvəl isə Moskva məhkəməsi Telegram səs saxtakarlığı botlarını qadağan etmişdi.

İsmayıl
Milli.Az