Cəmiyyət

Gömrükdə yeni qayda: Bəzi malların bəyan edilməsi sadələşdirilir - (Video)

21 Sentyabr 2026 10:15

Baxış: 138

VTB-də minimal faiz dərəcəsi ilə nağd kredit 9.9%-dən

Gömrükdən keçirilən bəzi malların bəyan edilməsi artıq daha sadə formada həyata keçiriləcək.

Milli.Az "Xəzər" Tv-yə istinadən xəbər verir ki, baş nazir Əli Əsədovun imzaladığı qərarla "gömrük sərhədindən keçirilən malların və nəqliyyat vasitələrinin bəyan edilməsi qaydaları"na dəyişiklik edilib. Yeniliyə əsasən, "qırmızı kanal" buraxılış sistemi mallara dair sadələşdirilmiş bəyannamənin təqdim olunmasına imkan verəcək. Bu bəyannamə həm kağız üzərində yazılı, həm də elektron formada təqdim edilə bilər.

Dəyişiklik fiziki şəxslərin şəxsi baqajında apardığı bəzi mallara da şamil edilir. İstehsal və ya kommersiya məqsədi daşımayan, lakin yazılı şəkildə bəyan edilməli olan mallar əl yükündə və müşayiət olunan baqajda keçirildikdə sadələşdirilmiş bəyannamə təqdim olunacaq.

Müəllif: Malik Məlikov (Milli.Az redaktor)