Cəmiyyət

Milli Qəhrəman Allahverdi Bağırovun Vitali Balasanyanla ratsiya DANIŞIĞI - VİDEO

7 May 2026 14:03

Baxış: 2 080

VTB-də minimal faiz dərəcəsi ilə nağd kredit 9.9%-dən

#VİDEO #QARABAĞ #ŞƏHİD #MİLLİ QƏHRƏMAN

Azərbaycanın Milli Qəhrəmanı Allahverdi Bağırovun Birinci Qarabağ müharibəsi dövrünə aid görüntüləri sosial şəbəkələrdə yenidən gündəm olub.

Milli.Az xəbər verir ki, yayılan kadrlarda onun erməni tərəfinin nümayəndələrindən olan Vitali Balasanyan ilə ratsiya vasitəsilə danışığı əks olunub. Həmin görüntülər izləyicilər arasında böyük maraq doğurub və müharibə illəri yenidən xatırlanıb.

Sosial media istifadəçiləri paylaşımın altında Allahverdi Bağırovun döyüşlərdə göstərdiyi şücaətdən, xüsusilə Ağdam istiqamətində həyata keçirdiyi xidmətlərdən bəhs ediblər. Bir çoxları onun cəsarəti və vətən uğrunda mübarizəsini ehtiramla yad edib.

Qeyd edək ki, Allahverdi Bağırov Qarabağ müharibəsində könüllü batalyon komandirlərindən biri kimi tanınıb. O, əsir və girovların dəyişdirilməsi istiqamətində də mühüm fəaliyyət göstərib.

Azərbaycanın Milli Qəhrəmanı 1992-ci il iyunun 12-də Ağdam rayonunda minaya düşərək həlak olub. Ölümündən sonra ona "Azərbaycanın Milli Qəhrəmanı" adı verilib.

Musa
Milli.Az